“काकांना विंडो सीट द्या” तलफ आली म्हणून पठ्ठ्याने विमानाच्या दारात उभं राहून मळली तंबाखू अन्..; Video पाहून पोट धरुन हसाल

सोशल मीडियावर हा व्हिडीओ खूप व्हायरल होत आहे. व्हिडीओत काकांनी विमानाला एकदम रिक्षाच करून टाकलीय. ते चक्क विमानाच्या गेटवर उभे राहून अगदी आरामात तंबाखू मळत उभे आहेत.

काकांचा भलताच स्वॅग! विमानाच्या दरवाजावर उभं राहून मळली तंबाखू

विमानाने प्रवास करताना अनेक जण चांगले पॉश कपडे घालून विमानतळावर पोहोचतात. तिथे पोहोचल्यानंतर असे कोणतेही काम करणे टाळतात की, ज्यामुळे लोकांचे लक्ष आपल्याकडे जाईल किंवा आपण लोकांच्या नजरेत येऊ. प्रत्येक जण आपलं स्टॅण्डर्ड जपण्याचा प्रयत्न करीत असतो. पण, या व्हायरल व्हिडीओत एक काका विमानाच्या गेटवर उभे राहून तंबाखू मळून खात आहेत. हा व्हिडीओ पाहून अनेकांना आपल्या हसण्यावर नियंत्रण ठेवणे अवघड जात आहे.

Read More Trending News : चोराला रंगेहाथ पकडले अन् मारहाण करीत लोकांसमोर लावले नाचायला; व्हायरल Video नेमका कुठला? वाचा सविस्तर…

तंबाखू मळली आणि चिमटीत घेऊन टाकली तोंडात

व्हिडीओत तुम्ही पाहू शकता की, धावपट्टीवर एक खाजगी जेट उभे आहे आणि त्याभोवती क्रू मेंबर्स उभे असल्याचे दिसत आहे. याचदरम्या विमानाच्या मागील गेटवर एक वृद्ध व्यक्ती हातावर तंबाखू घेऊन, ती मळताना दिसत आहे. तो अगदी पद्धतशीरपणे तंबाखू मळतो आणि चिमटीत घेऊन, ती तोंडात टाकतो. हा मजेशीर व्हिडीओ नेमका कुठला आहे याची माहिती समोर आलेली नाही; मात्र लोक तो खूप शेअर करीत आहेत.

हा व्हिडीओ X वरून @MehdiShadan नावाच्या अकाउंटद्वारे शेअर करण्यात आला आहे. हा व्हिडीओ खूप व्हायरल होत असून, युजर्सही त्यावर अनेक मजेशीर कमेंट्स करीत आहेत. त्यावर एका युजरने लिहिले आहे की, काका हवेतही बोलतील, बोलो जुबां केसरी… दुसऱ्या युजरने लिहिले आहे की, काकांनी तर चांगल्या प्रायव्हेट जेटची चक्क रिक्षा करून टाकली. तिसऱ्या युजरने लिहिले की, काकांना आता विंडो सीट द्या. त्याशिवाय इतर अनेक युजर्स या व्हिडीओवर मजेशीर कमेंट्स करीत आहेत.