Funny Video Viral : दारू पोटात गेली की माणूस काय करू शकतो याचा प्रत्यक्ष अनुभव हा व्हिडीओ पाहताना येत आहे. मद्यपी लोक कधी काय करतील काही सांगता येत नाही. अशा नशेबाज लोकांना काहीवेळा आपण काय करतोय याचे भान राहत नाही, आपण करतोय ते योग्य आहे की अयोग्य हेही त्यांना समजत नाही. अनेकदा लोक नशेत असे काही कृत्य करतात, ज्याने ते चारचौघांत स्वत:चचं हसं करून घेतात. सध्या असाच एक व्हिडीओ व्हायरल होतोय, ज्यात मद्याच्या नशेत काही तरुण असे काही करतात की, पाहून तुम्हीही पोट धरून हसाल.
सोशल मीडियावर व्हायरल होणाऱ्या व्हिडीओत काही तरुण एका बारमधून बाहेर पडत असल्याचे दिसतेय. त्यांची चाल पाहता त्यांनी खूप मद्यप्राषन केले असावे असे वाटते. आपल्याकडे मद्यपान करून गाडी चालवणे कायद्याने गुन्हा आहे, त्यामुळे आपल्याकडे सहसा लोक ड्रिंक अँड ड्राईव्ह करण्यास घाबरतात. पण व्हिडीओ पाहून दिसतेय की, या लोकांनी हे जरा जास्तच मनावर घेतलं आहे.
चार तरुण बारमधून बाहेर पडतात अन्…
व्हिडीओत पुढे तुम्ही पाहू शकता की, चारही तरुण बारमधून बाहेर पडताच एका कारच्या जवळ जातात. पण, कारमध्ये न बसता ती कारच उचलून चालू लागतात. मद्याच्या नशेत तरुणांना इतकी काय ताकद येते की, ते कार उचलून धावत घेऊन जाताना दिसत आहेत, जे पाहून बारमध्ये बसलेले लोकही आश्चर्यचकित होतात, तर अनेक जण हसू लागतात.
मुंबई लोकलमध्ये तरुणीने ओलांडली मर्यादा! अश्लील कृत्य पाहून प्रवासी संतापले; VIDEO व्हायरल
हा मजेशीर व्हिडीओ @MyWishIsUs नावाच्या एक्स अकाउंटवरून पोस्ट करण्यात आला आहे, ज्याच्या कॅप्शनमध्ये लिहिले आहे की, “ह्यांनी डोंट ड्रिंक अँड ड्राईव्ह खूप गांभीर्याने घेतलं आहे.” दरम्यान, अनेक युजर्सनी त्यावर कमेंट्स केल्या आहेत. एका युजरने लिहिले की, हे जरा जास्तच आहे. दुसऱ्या युजरने लिहिलेय की, ही एक मजेशीर घटना आहे. शेवटी एकाने लिहिले की, खरंच ह्यांनी जरा जास्तचं मनावर घेतलेलं दिसतंय.
