Viral video: मुलं देवाघरची फुलं, असं आपण नेहमी म्हणतो. कारण- ती नेहमी खरं बोलतात. सोशल मीडियावर रोज अनेक व्हिडीओ व्हायरल होत असतात. त्यात लहान मुलांचे व्हिडीओ लोकांना फार आवडतात. त्यांचा निरागसपणा सगळ्यांनाच भावतो. अशाच एका चिमुकल्याचा व्हिडीओ सध्या सोशल मीडियावर व्हायरल होत आहे. हा व्हिडीओ पाहून तुम्हालाही हसू अनावर होईल. सगळीच लहान मुलं अभ्यास न करण्यासाठी नेहमीच टाळाटाळ करीत असतात. मात्र, या चिमुकलीनं अभ्यास न करण्याचं असं कारण सांगितलं की, ऐकून तुम्हीही पोट धरुन हसाल.
सोशल मीडियावर कायमच लहान मुलांचे फनी व्हिडीओ व्हायरल होत असतात. या व्हिडीओच्या माध्यमातून त्यांच्यातील निरागसता आपण कायमच अनुभवत असतो सध्या अशाच एका कोल्हापूरी चिमुकलीची नेटकऱ्यांमध्ये चर्चा रंगली आहे. रोजरोज अभ्यास करुन कंटाळलेल्या या चिमुकलीने आपल्या शिक्षकांकडे आपल्या भावना व्यक्त केल्या आहेत.
या व्हिडीओमध्ये तुम्ही पाहू शकता, एका शाळेतल्या वर्गात अनेक लहान मुलं मुली बसलेले दिसत आहेत. प्रत्येकजण काही ना काही अभ्यास करताना दिसत आहेत. यावेळी वर्गातील एक लहान विद्यार्थी शिक्षकांना सांगतो दार उघडा म्हणजे सूर्यप्रकाश आत येईल मात्र तेवढ्यात एक चिमुकली सांगते नाही ओ सर दरवाजा बंद करा. यावर सर तिला कारण विचारतात..तेव्हा ती म्हणते, सर वरातीत जायचं आहे,उन्ह चेहऱ्यावर पडल्याने मी काळी होईल.चिमुकलीचे हे उत्तर ऐकून प्रत्येकजण हसायला लागतो. यावेळी शिक्षकांनाही हसू अनावर होतं. लहान असो वा मोठ्या मुलींना मेकअपचा खूपच छंद असतो, अशाच एका चिमुकलीला चेहऱ्यावर ऊन पडल्यानं चेहरा काळा पडेल याचं टेन्शन आलं. शेवटी शिक्षिकाही चिमुकलीचं बोलणं एकून हसत आहेत.
पाहा व्हिडीओ
सोशल मीडियावर हा व्हिडीओ success_907 नावाच्या इन्स्टाग्राम अकाऊंटवरुन शेअर करण्यात आला आहे. यावर आता नेटकरीही वेगवेगळ्या प्रतिक्रिया देत आहेत. यावर आता नेटकरी आपल्या प्रतिक्रिया देत आहेत. एकानं म्हटलं, “किती तो निरागसपणा, रम्य ते बालपण” तर आणखी एकानं “शेवटी मुली त्या मुलीच लहान असो वा मोठ्या” अशी प्रतिक्रिया दिली आहे.
