‘गदर २’ सुरु असताना ‘मोदी जिंदाबाद’, ‘पाकिस्तान जिंदाबाद’ घोषणांमुळे तुफान हाणामारी, नेमकं घडलं काय?

काय होत आहे व्हायरल?

या घटनेचे अनेक व्हिडीओ व्हायरल होत असून अनेकांनी या व्हिडिओत तथ्य आहे का याविषयी विचारणा केली. ट्विटरवर मोहम्मद झुबेर या फॅक्ट चेकर अकाऊंटवरून या व्हिडीओसंदर्भात माहिती शेअर करण्यात आली आहे. बरेलीतील प्रसाद टॉकीजमध्ये हा प्रकार घडला असून या चित्रपटगृहाच्या मालकांनी सुद्धा दोन गटांमध्ये हाणामारी झाल्याचे मान्य केले आहे. मात्र त्यासाठी ‘पाकिस्तान झिंदाबाद’च्या घोषणा हे कारण नव्हते तर हे दोन्ही गट मद्यधुंद होते आणि म्हणून त्यांच्यात भांडण झाले असे सांगण्यात आले आहे.

दुसरीकडे, रविवारी नोएडाच्या लॉजिक्स मॉलच्या थिएटरमध्ये गदर २ च्या स्क्रीनिंगदरम्यान स्क्रीन प्रोजेक्टरने चार वेळा बंद पडल्यावर सुद्धा अशाच प्रकारचा एक गोंधळ झाला होता. प्रोजेक्टरने काम सुरू करण्यापूर्वी परिस्थिती नियंत्रणात आणण्यासाठी पोलिसांना थिएटरमध्ये पोहोचावे लागले.

हे ही वाचा<< डोंबिवली लोकलमध्ये मोटरमनच्या केबिनमधून प्रवास करणारी ‘ही’ व्यक्ती आहे कोण? २० जुलैला खरं काय घडलं, वाचा सत्य

दरम्यान, १३ ऑगस्ट पर्यंत पहिल्या वीकएंडला गदर २ ने तब्बल 52 कोटींची कमाई नोंदवली होती. चित्रपटाचे पहिल्या आठवड्याचे एकूण कलेक्शन १३५ कोटींच्या पुढे गेले आहे.