अचानक एखादी दुःखद किंवा धक्कादायक बातमी ऐकल्यानंतर हृदयविकाराचा झटका आला असल्याचं आपल्या ऐकिवात असेल. पण आनंदाची बातमी ऐकताच हृदयविकाराचा झटका येणं, हे आपण क्वचित कधी ऐकलं असेल. सिंगापूरच्या मरिना बे सँड्स कॅसिनोमध्ये अशीच एक घटना घडली आहे. याठिकाणी जुगार खेळणाऱ्या एका जुगाऱ्याला ३.२ पाऊंड्सचा (भारतीय रुपयांमध्ये ३३.८७ कोटी) जॅकपॉट लागला. मात्र हा आनंद जीवघेणा ठरला. जॅकपॉट लागल्याचे कळताच काही सेकंद आनंद व्यक्त करून जुगारी खाली कोसळला. या घटनेचा व्हिडीओ आता सोशल मीडियावर व्हायरल होत आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

सिंगापूरच्या प्रसिद्ध मरिना बे सँड्स कॅसिनोमधील घटना सध्या सोशल मीडियावर चर्चेचा विषय ठरत आहे. एका जुगाऱ्याला जुगारात तब्बल ३४ कोटींचा जॅकपॉट लागल्यानंतर तो हवेत हात उंचावून आनंद व्यक्त करतो. काही सेकंद विजयाचा आनंद व्यक्त करताच सदर इसम धाडकन जमिनीवर कोसळतो. जमिनीवर कोसळल्यानंतर कॅसिनोत उपस्थित असलेल्या लोकांनी या घटनेचा व्हिडीओ काढला. ज्यामध्ये लोकांमध्ये घबराट पसरल्याचे दिसत आहे. कॅसिनोतील कर्मचारी सदर व्यक्तीकडे धाव घेऊन त्याला काय झालं, हे पाहत आहेत.

आणखी वाचा

सुंदर पिचाई, सत्या नडेला यांच्यापेक्षाही ‘हा’ भारतीय वंशाचा CEO अमेरिकेत घेतो सर्वाधिक वेतन?

सदर व्यक्तीबरोबर एक महिला असल्याचे दिसते. तिने मदतीसाठी हाका दिल्यानंतर कर्मचारीही तातडीने त्याला सीपीआर देण्याचा प्रयत्न करतात. ज्यामुळे सदर व्यक्ती शुद्धीत येतो. त्यानंतर त्याला पुढील उपचारासाठी तातडीने रुग्णालयात हलविले जाते.

ही घटना २२ जून रोजी घडल्याचे सांगितले जाते. मरिन बे सँड्स हे सिंगापूरच्या मध्यवर्ती व्यापारी जिल्ह्यातील एक प्रमुख कॅसिनो आहे. याची मालकी अमेरिकेतील लास वेगास सँड्स या कॅसिनोकडे आहे. या कॅसिनोने आतापर्यंत अशा अनेक नाट्यमय घडामोडी पाहिल्या आहेत. अनेकांनी आपली कमाई इथे बुडवली आहे, तर काहींना असाच अनपेक्षित धनलाभ झालेला आहे.

सिंगापूरच्या प्रसिद्ध मरिना बे सँड्स कॅसिनोमधील घटना सध्या सोशल मीडियावर चर्चेचा विषय ठरत आहे. एका जुगाऱ्याला जुगारात तब्बल ३४ कोटींचा जॅकपॉट लागल्यानंतर तो हवेत हात उंचावून आनंद व्यक्त करतो. काही सेकंद विजयाचा आनंद व्यक्त करताच सदर इसम धाडकन जमिनीवर कोसळतो. जमिनीवर कोसळल्यानंतर कॅसिनोत उपस्थित असलेल्या लोकांनी या घटनेचा व्हिडीओ काढला. ज्यामध्ये लोकांमध्ये घबराट पसरल्याचे दिसत आहे. कॅसिनोतील कर्मचारी सदर व्यक्तीकडे धाव घेऊन त्याला काय झालं, हे पाहत आहेत.

आणखी वाचा

सुंदर पिचाई, सत्या नडेला यांच्यापेक्षाही ‘हा’ भारतीय वंशाचा CEO अमेरिकेत घेतो सर्वाधिक वेतन?

सदर व्यक्तीबरोबर एक महिला असल्याचे दिसते. तिने मदतीसाठी हाका दिल्यानंतर कर्मचारीही तातडीने त्याला सीपीआर देण्याचा प्रयत्न करतात. ज्यामुळे सदर व्यक्ती शुद्धीत येतो. त्यानंतर त्याला पुढील उपचारासाठी तातडीने रुग्णालयात हलविले जाते.

ही घटना २२ जून रोजी घडल्याचे सांगितले जाते. मरिन बे सँड्स हे सिंगापूरच्या मध्यवर्ती व्यापारी जिल्ह्यातील एक प्रमुख कॅसिनो आहे. याची मालकी अमेरिकेतील लास वेगास सँड्स या कॅसिनोकडे आहे. या कॅसिनोने आतापर्यंत अशा अनेक नाट्यमय घडामोडी पाहिल्या आहेत. अनेकांनी आपली कमाई इथे बुडवली आहे, तर काहींना असाच अनपेक्षित धनलाभ झालेला आहे.