“मूर्तीजवळ उभे राहून स्वतःला मालक समजू नका” कार्यकर्त्यानं रस्त्यावरच्या गरिबाला थेट लाथेनं उडवलं; VIDEO पाहून सांगा चूक कुणाची

दरम्यान, सध्या समोर आलेला व्हिडीओ पाहून तुमचाही संताप होईल. कारण- एका कार्यकर्त्यानं बाप्पाचं दर्शन घेणाऱ्या एका गरिबाला थेट लाथेनं उडवलं आहे. या घटनेचा व्हिडीओ सध्या सोशल मीडियावर तुफान व्हायरल होत आहे. हा व्हिडीओ पाहून नेटकरीही खूप संतापले आहेत.

‘मनी नाही भाव आणि म्हणे देवा मला पाव’, ‘देव अशानं पावायचा नाही रं’, अशा पंक्तींची आठवण येण्याची वेळ या कार्यकर्त्यानं आणली आहे. गणपती बाप्पाच्या मूर्तीशेजारी उभं राहून असं कोणी कसं वागू शकतं?, हाच प्रश्न सगळ्यांना पडला आहे. या व्हिडीओमध्ये तुम्ही पाहू शकता की, रस्त्यावरून जाणाऱ्या एका गाडीवर बाप्पाची मूर्ती आहे आणि बाप्पाच्या आगमनाची मिरवणूक या ठिकाणी सुरू आहे. यावेळी कार्यकर्ते बाप्पाच्या मूर्तीजवळ उभे आहेत. बाप्पाची एखादी मिरवणूक जेव्हा निघते तेव्हा येणारा-जाणारा प्रत्येक भाविक आपसूकच बाप्पाच्या पाया पडतो वा नतमस्तक होतो. अशीच कृती या गरिबानंही केलं, त्यानं बाप्पाचा आशीर्वाद घेण्यासाठी पायाला हात लावताच मूर्तीशेजारी उभ्या असलेल्या कार्यकर्त्यानं त्याला थेट लाथेनं उडवलं. अशा प्रकारचं माणुसकीला काळिमा फासणारं वर्तन पाहून सगळेच संतापले आहेत. हा व्हिडीओ पाहा आणि तुम्हीच सांगा चूक नक्की कुणाची.

पाहा व्हिडीओ

हेही वाचा >> लालबागच्या राजाच्या दर्शनाला जाताय? ‘हा’ VIDEO पाहा अन् तुम्हीच सांगा चूक भाविकांची की कार्यकर्त्यांची?

“मूर्तीजवळ उभे राहून स्वतःला मालक समजू नका”

सोशल मीडियावर हा व्हिडीओ biden_nanaनावाच्या इन्स्टाग्राम अकाउंटवरून शेअर करण्यात आला आहे. हा व्हिडीओ शेअर करताना “मूर्तीजवळ उभे राहून स्वतःला मालक समजू नका”, अशी कॅप्शन लिहिली आहे. नेटकऱ्यांनीही त्या रानटी माणसावर टीका केली आहे. एकानं कमेंट केलीय, “देवाच्या दरबारात लहान-मोठा कोणीही नसतो. त्यामुळे बाप्पाचा आशीर्वाद घेण्याचा सर्वांना हक्क आहे.” तर, दुसरा म्हणतो, “कार्यकर्त्यानं हे खूप चुकीचं केलं.”