लसूण हा स्वयंपाकघरातील एक महत्त्वाचा घटक आहे. असं क्वचितच कोणी असेल जो लसणाचा स्वयंपाकात वापर करीत नसेल. भाजीला फोडणी देणे असो की डाळीला तडका देणे, अगदी चटणीपासून लोणच्यापर्यंत जेवणाचा स्वाद वाढवण्यासाठी लसूण महत्त्वाचा आहे.
आपल्यापैकी अनेकांना लसूण सोलण्याचा कंटाळा येतो; पण सध्या व्हायरल होत असलेला हा व्हिडीओ तुमच्या कामी येऊ शकतो. कारण- या व्हिडीओमध्ये लसूण सोलण्याची एक सोपी ट्रिक सांगितली आहे. या व्हायरल व्हिडीओतील ट्रिक पाहून तुम्हीही आश्चर्यचकित व्हाल. ही ट्रिक खरंच उपयोगी आहे का, यासाठी तुम्हाला व्हिडीओ पाहावा लागेल.
हेही वाचा : OMG! भरमंडपात दुसऱ्यानेच भरले नवरीच्या भांगात कुंकू, नवरदेवर राहिला पाहात! व्हायरल होतोय Video
या व्हायरल व्हिडीओत तुम्हाला दिसेल की, लसूण सोलण्यासाठी सुरुवातीला लसणाचा वरचा भाग सुरीने कापला आहे. त्यानंतर कापलेल्या दोन्ही भागांना उलटे ठेवलेय आणि त्यावरून पुन्हा दोन-तीन वेळा लसूण सुरीने कापलाय. व्हिडीओत अशा प्रकारे लसूण आपोआप सोललेले दाखवले आहे.
हेही वाचा : Viral Video : नवरीला पाहताच भरमांडवात नवरदेव ढसाढसा रडायला लागला, पाहा व्हायरल व्हिडीओ …
@kumarayush084 या ट्विटर अकाउंटवरून हा व्हिडीओ शेअर करण्यात आला असून, या व्हिडीओच्या कॅप्शनमध्ये लिहिले आहे- ‘लसूण सोलण्याचा जुगाड’ हे
किचन हॅक पाहून यूजर्स आश्चर्यचकित झाले आहेत. अनेक यूजर्सनी ही ट्रिक फॉलो केली आहे. जर तुम्हाला लसूण सोलण्याचा कंटाळा येत असेल, तर तुम्हीसुद्धा या व्हिडीओतील ही ट्रिक फॉलो करू शकता.
