भारतीय क्रिकेट संघातील सर्वात यशस्वी सलामीवीरांपैकी एक असलेल्या गौतम गंभीरने (gautam Gambhir) क्रिकेटमधून निवृत्ती घेतल्यानंतर राजकारणातील करिअर सुरु केले. मात्र असे असतानाही त्यांचे क्रिकेटवरील (cricket) प्रेम कमी झाले नाही आणि तो अजूनही क्रिकेटशी जोडलेला आहे. तो इंडियन प्रीमियर लीगमध्ये (IPL 2022) कॉमेंट्री किंवा फ्रेंचायझीचा मार्गदर्शक म्हणून काम करताना दिसला. कार्यरत खासदार असूनही, गंभीरला त्याच्या आयपीएल आणि कॉमेंट्रीबद्दल विचारले असता त्याने समर्पक उत्तर दिले.
गौतम गंभीर हे पूर्व दिल्ली मतदारसंघातून भारतीय जनता पक्षाचे खासदार आहेत. राजकारणी म्हणून, माजी भारतीय क्रिकेटपटूने गांधी नगरमध्ये ‘जन रसोई’ नावाचे स्वयंपाकघर उघडले आहे, जे लोकांना एक रुपयात जेवण देते. त्यांनी परिसरात वाचनालयही बांधले आहे. भाजपच्या आठ वर्षांच्या सत्तेबद्दल एका मीडिया कॉन्फरन्स दरम्यान, गंभीरला त्याच्या आयपीएल फ्रँचायझी आणि कॉमेंट्री करण्याच्या भूमिकांबद्दल विचारले गेले. क्रिकेटपटूतून राजकारणी झालेल्या गंभीरने सांगितले की, गरीबांसाठी करत असलेले कल्याणकारी कार्य सुरू ठेवण्यासाठी त्यांना तेथे काम करावे लागेल.
(हे ही वाचा: मुलीने हार घालण्यास नकार दिल्याने वराला आला राग आणि… ; बघा Viral Video)
गौतम गंभीर म्हणाला, “मी कॉमेंट्री का करतो किंवा आयपीएलमध्ये काम का करतो कारण मी दरमहा ५००० लोकांना जेवण देण्यासाठी २५ लाख रुपये खर्च करतो. म्हणजे दरवर्षी सुमारे २.७५ कोटी रुपये असेल. वाचनालय बांधण्यासाठी मी २५ लाख रुपये खर्च केले आहेत. हे सर्व पैसे मी एमपीएलएडी फंडातून नाही तर माझ्या खिशातून खर्च करतो. एमपीएलएडी फंडातून हे स्वयंपाकघर किंवा इतर कोणतेही काम चालत नाही. माझ्या घरात असं एकही झाड नाही ज्यातून मी पैसे काढू शकेन.”
(हे ही वाचा: Video: टाकाऊ वस्तूंपासून पासून बनवलेली टिकाऊ जीप पाहिलीत का?)
(हे ही वाचा: Viral: व्यक्ती गाढ झोपेत असताना अंगावर चढले दोन मोठे अजगर; व्हिडीओ पाहून नेटकरी झाले थक्क)
तो पुढे म्हणाला, “मी फक्त या साठी काम करतो काम करतो की मी त्या ५००० लोकांना अन्न पुरवू शकतो किंवा ती लायब्ररी उभारू शकतो. मी आयपीएलमध्ये कॉमेंट्री करतो आणि काम करतो हे सांगायला मला लाज वाटत नाही. मी जे काही करतो हेच अंतिम ध्येय आहे.”
