“तुझी आई, दीदी..” लग्नासाठी ‘ती’च्या विचित्र मागण्या; तरुणाच्या ‘या’ प्रश्नावर करू लागली शिवीगाळ; Whatsapp Chats व्हायरल

शादी.कॉम वर या दोघांची ओळख झाल्याचे चॅट्स मधून दिसून येत आहे. अर्पित नामक एका तरुणाने या मुलीशी Whatsapp वर संपर्क केला होता. यावेळी पहिल्या दोन मेसेजमध्येच ही मुलगी अर्पितला लग्नाविषयीचे त्याचे मत विचारते व तुला जर टाईमपास करायचा नसेल तरच बोलू असेही सांगते. यावेळी अर्पितला सुरुवातीला तिचं म्हणणं योग्य वाटतं व त्याला जोडून तो तिला मनाचं नातं जोडलं जावं अशी इच्छा बोलून दाखवतो. ज्यावर मात्र तरुणीचा सूर बदलतो व ती नातं वगैरे खोट्या कल्पना आहेत आणि मी खूप प्रॅक्टिकल विचार करते असं सगळं सांगू लागते.

“माझ्या अपेक्षा जो पूर्ण करेल त्याला मी हो म्हणेन” असं ती म्हणते ज्यावर अर्पित तिला अपेक्षा विचारतो. तिची यादी पाहून थक्क झालेला अर्पित पुढे मग तिला तू समोरच्या मुलाच्या कोणकोणत्या अपेक्षा पूर्ण करू इछितेस असा प्रश्न करतो. तेव्हा मात्र ही तरुणी भडकून उलट सुलट उत्तर द्यायला लागते, शेवटाकडे तर ती अर्पितला चक्क शिवीगाळ करून ब्लॉक करण्याच्या सुद्धा धमक्या देते. या दोघांचे पूर्ण चॅट्स सध्या व्हायरल होत आहेत.

हे ही वाचा<< कर्णबधिर मालकासाठी मांजर शिकली ‘ही’ कला; मुक्या जीवाचं प्रेम पाहून डोळे भरून येतील

दरम्यान, दीपिका भारद्वाज या अकाउंटवरून हे चॅट्स शेअर करण्यात आले होते, जे आता अन्यही फेसबुक युजर्स शेअर करत आहेत. तसेच यावरून खोट्या फेमिनिज्मला पाठिंबा देणाऱ्यांवर सुद्धा ताशेरे ओढले जात आहेत. “आज अशा अनेक स्त्रिया आहेत ज्यांना असे वाटते की आपण एखाद्या पुरुषाशी लग्न करून काही उपकार करत आहोत. आजकाल महिलांमध्ये ही मानसिकता का वाढत आहे याचे आश्चर्य वाटते” असे दीपिका यांनी या फोटोसह पोस्ट केले होते.