दिवाळीमध्ये भाऊबीज हा सण मोठ्या थाटामाटात साजरा करतात. भाऊबीज हा बहीण आणि भावाच्या प्रेमाचा सण आहे हे आपण सर्व जाणतो. या दिवशी बहिणी आपल्या भावाच्या कपाळावर टिळक लावतात आणि त्याच्या दीर्घायुष्यासाठी आणि सुखासाठी प्रार्थना करतात हटके पद्धतीने भाऊबीज साजरा करणाऱ्या बहिणभावांचे व्हिडिओ सोशल मीडियावर व्हायरल होत आहे. असाच एका हटके व्हिडीओने सध्या सोशल मीडियावर सर्वांचे लक्ष वेधले आहे. व्हिडीओमध्ये एक महिला आपल्या पाळीव प्राण्याबरोबर भाऊबीज साजरा करत आहे. पण तिचा पाळीव प्राणी पाहून नेटकऱ्यांना धक्का बसला आहे. हटक्या भाऊबीजेचा व्हिडिओ नेटकऱ्यांना प्रचंड आवडला आहे.
तुम्हाला विश्वास बसणार नाही पण ही तरुणी चक्क खारु ताईबरोबर भाऊबीज सण साजरा करताना दिसत आहे. व्हायरल व्हिडिओ आंचल जैन नावाच्या तरुणीने इंस्टाग्रामवर शेअर केला आहे. या तरुणीकडे एक खारूताई आहे ज्याचा ती पाळीव प्राण्यासारखा सांभाळ करते. व्हायरल व्हिडीओमध्ये एक तरुणी खारूताईला ओवाळत आहे, कुंकवाचा टिळक लावते आहे. तरुणी दिवाळीचा सजावट करत असताना ही खारूताईल घरात बागडताना दिसत आहे. ही महिला अनेकदा इन्स्टाग्रामवर संबंधित व्हिडिओ शेअर करत असते. दोघांचेही व्हिडिओ युजर्सना खूप आवडले आहेत आणि लोकांनी खारूताईचे प्रेम अशा प्रकारे व्यक्त केल्याबद्दल महिलेचे कौतुकही केले आहे. वापरकर्ते अनेकदा महिलेला विचारतात की,”ती कधी पळून जाते का.”
हेही वाचा –भररस्त्यात धावत होता घोडा, मागून येणाऱ्या स्कुटीला अचानक मारली लाथ अन्…. पाहा, Video Viral
हेही वाचा – माणसांमध्ये अजूनही माणुसकी आहे! तरुणाच्या दुचाकीमधून धूर येताच धावून आले लोक, VIDEO होतोय व्हायरल
व्हिडिओ ग्रामवर oh_squirrel नावाने ३ नोव्हेंबर रोजी insta my se वर शेअर केला होता. लोकांना व्हिडिओ आवडतात. या व्हिडिओला आता २० लाखांहून अधिक व्ह्यूज मिळाले आहेत. व्हिडिओला ६९ हजारांहून अधिक लोकांनी लाईक केले आहे. व्हिडीओवर लोकांनी कौतुकास्पद कमेंट्सही केल्या आहेत. एका युजरने लिहिले “ही सर्वात आनंदाची गोष्ट आहे.”इतरांनी लिहिले,”ही कुटुंबातील सदस्य असल्यासारखी वाटत आहे.” तिसऱ्या व्यक्तीने लिहिले- ती घराबाहेर जात नाही का की ती पळून जाण्याचा प्रयत्नच करत नाही?
