Glen Maxwell Touch Sachin Tendulkar Feet: २०२३ च्या विश्वचषकात अफगाणिस्तानविरुद्ध नाबाद २०१ धावांची खेळी पूर्ण करणाऱ्या ग्लेन मॅक्सवेलची जगभरात चर्चा आहे. शतक पूर्ण केल्यानंतर मॅक्सवेलच्या पायात आलेल्या क्रॅम्पमुळे अजिबात हालचाल करता येत नव्हती. त्याची अवस्था पाहून त्याच्या जागी खेळायला येण्यासाठी ऍडम झाम्पाने तयारी सुद्धा केली होती. पण त्यानंतर त्याने केलेली कमाल क्रिकेटच्या इतिहासात नोंदवली गेली आहे. मात्र त्याच्या या शानदार खेळीनंतर त्याचा आणि मास्टर ब्लास्टर सचिन तेंडुलकरचा एक फोटो इंटरनेटवर मोठ्या प्रमाणावर शेअर केला जात आहे. मॅक्सवेल तेंडुलकरच्या पाया पडत असल्याचा हा फोटो सध्या चर्चेत आहे.
काय होत आहे व्हायरल?
ट्विटर यूजर Dr. P V Venkitakrishnan ने व्हायरल चित्र आपल्या प्रोफाइल वर शेअर केले.
इतर वापरकर्ते देखील हेच चित्र शेअर करत आहेत.
तपास:
आम्ही फोटो डाउनलोड करून आणि त्याचे बारकाईने निरीक्षण करून आमचा तपास सुरू केला. आम्हाला असे आढळले की प्रतिमेच्या उजव्या बाजूला हँडशेक स्पष्टपणे दिसत आहे. त्यानंतर ग्लेन मॅक्सवेल सचिन तेंडुलकरच्या पाया पडत असल्याची बातमी आली आहे का ते आम्ही तपासले. आम्हाला असे कोणतेही विश्वासार्ह मीडिया अहवाल किंवा मोठ्या प्रमाणावर प्रसारित केलेले चित्र देखील आढळले नाही.
‘मॅक्सवेल सचिन तेंडुलकर भेट’ असे कीवर्डस वापरून आम्ही शोध घेतला असता आम्हाला एक बातमी आढळली ज्यामध्ये तेंडुलकरने मुंबईत अफगाणिस्तान संघाची भेट घेतली होती याचा अहवाल आढळून आला.
सचिन तेंडुलकरने या बातमीतील व्हिडिओमध्ये घातलेला टीशर्ट हा व्हायरल चित्रात दिसत असल्याप्रमाणेच आहे. हे ट्विट आयसीसीच्या अधिकृत ट्विटर हँडलवरून शेअर करण्यात आले आहे.
टाइम्स ऑफ इंडियाच्या अहवालात आम्हाला सचिन तेंडुलकरचा मूळ फोटो सापडला.
याचे श्रेय गेटी इमेजेस ला देण्यात आले. आम्हाला मूळ फोटो स्टॉक फोटो वेबसाइटवर देखील आढळला.
इंटरनेटवर ग्लेन मॅक्सवेलचे अनेक फोटो उपलब्ध होते. असाच एक फोटो व्हायरल होण्यासाठी वापरण्यात आला होता, जिथे तो सचिन तेंडुलकरच्या पायाला स्पर्श करत असल्याचे दिसत आहे.
निष्कर्ष: ग्लेन मॅक्सवेल सचिन तेंडुलकरच्या पाया पडला नाही. व्हायरल फोटो एडिट केलेले आहे, व्हायरल दावा खोटा आहे.
