Gold Price: लक्ष्मीपूजनाच्या दिवशी सोन्याचे भाव कमी झाले का? गुगलवरही ट्रेंड होणारा सोन्याचा आजचा भाव पाहा

सोन्याच्या दरात वाढ झाल्याने सणासुदीत सोनं खरेदी करणाऱ्यांच्या खिशाला फटका बसणार आहे. दिवाळीत दागिने खरेदी करणाऱ्या ग्राहकांना आता सोन्याच्या चमकेची झळ बसणार आहे. मागील काही दिवस सोन्याचा भाव विक्रमी उच्चांक गाठतोय त्यामुळे सणासुदीला सर्वसामान्यांचे खिशे रिकामे होणार आहे. आज भारतात १० ग्रॅम सोन्याची किंमत २४ कॅरेटसाठी ८१ हजाराच्या आसपास आहे तर २२ कॅरेट सोन्यासाठी ७३ हजार ८०० रुपये आहे.

मुंबईत आज सोन्याचा काय भाव ?

मुंबईत आज सोन्याचा भाव २२ कॅरेट सोन्याच्या प्रति १० ग्रॅमचा दर ७४,५६० रुपये आहे. तर २४ कॅरेट सोन्याच्या प्रति १० ग्रॅमचा दर ८१,३४० रुपये आहे.

आदल्या दिवशीचा म्हणजे ३१ ऑक्टोबर २०२४ रोजी १० ग्रॅम २४ कॅरेट सोन्याचा दर ७९,८४० रुपये होता, तर १ किलो चांदीचा दर ९७,३६० रुपये होता.यावरुन तुमच्या लक्षात येईल की,आज सोन्या-चांदीचे दर सातत्याने कसे चढ- उतार होत आहेत.

वरील चार्टमध्ये तुम्ही पाहू शकता, गुगलवर गोल्ड रेट हा किवर्ड ट्रेंड होत आहे. २०० पेक्षा अधिक या किवर्डला सर्च करण्यात आलं आहे. त्यामुळे गुगल रेट हा किवर्ड सध्या ट्रेंडींगला आहे.

व

(वरील सोन्याचे दर सूचक आहेत आणि त्यात जीएसटी, टीसीएस आणि इतर करांचा समावेश नाही. अचूक दरांसाठी तुमच्या स्थानिक ज्वेलरशी संपर्क साधा.)

२२ कॅरेट आणि २४ कॅरेट सोन्यात काय फरक आहे?

२४ कॅरेट सोने ९९.९% शुद्ध असते, तर २२ कॅरेट सोने सुमारे ९१% शुद्ध असते. २२ कॅरेट सोन्यामध्ये ९% इतर धातू, जसे की तांबे, चांदी आणि जस्त मिसळून दागिने तयार केले जातात. २४ कॅरेट सोने अत्यंत शुद्ध असते, परंतु त्याचे दागिने तयार करता येत नाहीत, कारण ते मऊ असते. त्यामुळे बहुतांश सराफ दुकानांमध्ये २२ कॅरेट सोन्याचेच दागिने विकले जातात, कारण ते अधिक टिकाऊ असतात आणि दागिने बनवण्यासाठी योग्य असतात.