पिस्तुलाचा धाक दाखवून दागिने लुटणार इतक्यात उलटला चोरांचा डाव; दुकानदाराने असे काही केले की…; VIDEO पाहून हसाल पोट धरून

हकासह तीन कर्मचाऱ्यांनी मिळून चोरांना पकडण्याचा प्रयत्न केला, पण…

ही घटना हरियाणाच्या फरिबादमध्ये घडल्याची माहिती समोर येत आहे. १४ नोव्हेंबरला संध्याकाळी ५ च्या सुमारात अशोका एनक्लेव्ह बाजारातील दागिन्यांच्या एका दुकानात बंदूक घेऊन दोन चोर शिरले. चोरांनी सर्वप्रथम दुकानाबाहेरील सुरक्षा रक्षकाच्या डोक्यावर बंदूक रोखून त्याला आत आणले. हे दृश्य पाहून दुकानातील ग्राहक आणि कर्मचारीदेखील घाबरले, या प्रसंगी दुकानातील आणखी दोन कर्मचारी धावत आले आणि त्यांनी चोराच्या हातातील बंदूक खेचण्याचा प्रयत्न केला. यावेळी चोरांनी एका कर्मचाऱ्याची कॉलर पकडून, त्याला जबर मारहाण केली. हे सर्व घडत असताना खूप आरडाओरडा सुरू होता. अखेर दुकानातील कर्मचारी आणि ग्राहकांनी एकत्र येत चोरांना प्रत्युत्तर दिले. ग्राहकासह तीन कर्मचाऱ्यांनी मिळून त्या चोरांना पकडण्याचा प्रयत्न केला, पण चोरांनी लगेच तिथून धूम ठोकली, चोर आल्यापावली ज्याप्रकारे बाहेर गेले ते पाहून तुम्हालाही हसू आल्याशिवाय राहणार नाही, पण अशाप्रकारे दुकानातील कर्मचाऱ्यांनी चोरांना तर पळवलेच शिवाय दुकानातील दागिने चोरीला जाण्यापासून देखील वाचवले.

VIDEO : “आई एवढी मोठी रिक्स घेऊच कशी शकते?” ट्रेनमध्ये बाळाला घेऊन चढण्याचे ‘हे’ दृश्य पाहून काळजात भरेल धडकी

ही संपूर्ण घटना दुकानात लावलेल्या सीसीटीव्ही कॅमेऱ्यात कैद झाली आहे; ज्याचा व्हिडीओ आता सोशल मीडियावर व्हायरल होत आहे. या प्रकरणी पोलिसांत तक्रार दाखल करण्यात आली असून, पोलीस आता सीसीटीव्ही कॅमेऱ्यातील फुटेजच्या मदतीने चोरांचा शोध घेत आहेत.