Google Trend What is Google UPI Circle : UPI सर्कल हे NPCI चे एक नवीन फीचर आहे, जे Google Pay सारख्या UPI खातेधारकांच्या प्राथमिक वापरकर्त्याला त्यांचे UPI खाते दुय्यम वापरकर्त्यांला वापरण्याची अनुमती देतो. दुय्यम वापरकर्ते म्हणजे कुटुंबातील सदस्य किंवा मित्र असू शकतो, ज्याला प्राथमिक वापरकर्त्याच्या खात्यातून व्यवहार करण्याची परवानगी दिली जाईल. गेल्या चार तासांपासून गुगलवर ट्रेंड UPI हा किवर्ड खूप ट्रेंड होत आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

काही आठवड्यांपूर्वी, Google ने त्याच्या Google Pay ॲपसाठी UPI Circle नावाच्या नवीन UPI फीचरचे अनावरण केले. ज्यांना बँक खाते वापरता येत नसेल किंवा डिजिटल पेमेंट पद्धती वापरण्यास संकोच वाटत असेल अशा व्यक्तींसाठी आर्थिक व्यवहार सुलभ करण्यासाठी हे नवीन फीचर डिझाइन केले आहे. गूगलच्या मते लवकरच ॲपवर UPI सर्कल उपलब्ध होईल.

आणखी वाचा

नॅशनल पेमेंट्स कॉर्पोरेशन ऑफ इंडिया (NPCI) च्या सहकार्याने सुरू केलेल्या UPI सर्कलचे उद्दिष्ट विश्वासू मित्रांना किंवा कुटुंबातील सदस्यांना डिजिटल पद्धतीने पेमेंट करण्यात मदत करणे आणि अजून रोख व्यवहारांवर अवलंबून असलेल्यांना UPI सेवेचा लाभ मिळवून देणे हे आहे.

UPI सर्कल म्हणजे काय?

Google Pay वरील UPI सर्कल प्राथमिक वापरकर्त्याला कुटुंबातील सदस्य किंवा मित्रांसारख्या विश्वसनीय व्यक्तीला डिजिटल पेमेंट कार्ये सोपविण्याची परवानगी देते. हे फीचर विशेषतः अशा व्यक्तींसाठी उपयुक्त आहे, ज्यांना एकतर बँक खात्याद्वारे ऑनलाइन व्यवहार करता येत नाही किंवा त्यांना स्वतःहून डिजिटल पेमेंट करणे कठीण वाटते. दुय्यम वापरकर्त्यांना बँक खाते लिंक करणे आवश्यक करण्याऐवजी UPI सर्कल प्राथमिक वापरकर्त्याच्या खात्याद्वारे पेमेंट करण्याची परवानगी देते.

UPI सर्कल फिचरसाठी दुय्यम वापरकर्ता निवडताना दोन प्रकारचे प्रतिनिधी निवडण्याचा पर्याय देते (The UPI Circle feature offers two types of delegation)

पूर्ण प्रतिनिधित्व (Full Delegation) : प्राथमिक वापरकर्ता १५,००० पर्यंत मासिक मर्यादा सेट करू शकतो. पूर्ण प्रतिनिधित्व असलेल्या दुय्यम वापरकर्त्याला कोणत्याही परवानगीशिवाय त्या मर्यादेत स्वतंत्रपणे पेमेंट करण्याची परवानगी देतो.

आंशिक प्रतिनिधित्व (Partial Delegation) : प्राथमिक वापरकर्ता आंशिक प्रतिनिधित्व असलेल्या दुय्यम वापरकर्ता करत असलेल्या प्रत्येक व्यवहारावर पूर्ण नियंत्रण ठेवतो. प्राथमिक वापरकर्त्याला प्रत्येक पेमेंट मंजूर करण्याची विनंती प्राप्त होते, जेणेकरून प्रत्येक व्यवहाराबाबत त्यांना माहीत असेल आणि त्यात त्यांचा सहभाग असल्याची खात्री केली जाते.

याव्यतिरिक्त, दुय्यम वापरकर्त्याला लिंक केल्यानंतर ३० मिनिटांचा कूल-ऑफ कालावधी दिला आहे, ज्या दरम्यान कोणतेही व्यवहार केले जाऊ शकत नाहीत, जे हे आणखी सुरक्षितता प्रदान करते.

गूगलचे म्हणणे आहे की, “UPI सर्कल अशा कुटुंबांसाठी विशेषतः फायदेशीर ठरेल, जेथे वृद्ध सदस्य डिजिटल पेमेंट करू शकत नसतील किंवा आर्थिकदृष्ट्या अवलंबून असलेल्या व्यक्तीसाठी किंवा घरगुती काम करणाऱ्या महिलांसाठी पेमेंट करणाऱ्या व्यक्तींकरिता ही सेवा फायदेशीर ठरू शकते.

UPI सर्कल कसे वापरावे (How to Use UPI Circle)

Google Android आणि iOS दोन्हीवर UPI सर्कल फीचर आणणार आहे. हे फीचर उपलब्ध आहे की नाही हे तपासण्यासाठी वापरकर्त्यांना त्यांचे ॲप अपडेट करावे लागेल.

हेही वाचा –Meta AI : अ‍ॅप डाउनलोड करून स्टोरेज करू नका फूल; WhatsApp वरच करा आता फोटो एडिट

फीचर उपलब्ध झाल्यानंतर तुमचे UPI सर्कल एखाद्याला जोडण्यासाठी काय करावे

  • प्राथमिक वापरकर्त्याकडे (खातेधारक) Google Pay शी लिंक केलेले सक्रिय बँक खाते आवश्यक आहे.
  • दुय्यम वापरकर्त्याकडे UPI आयडी असणे आवश्यक आहे आणि त्यांचा मोबाइल नंबर प्राथमिक वापरकर्त्याच्या संपर्क यादीमध्ये सेव्ह केलेला असणे आवश्यक आहे.
  • प्राथमिक वापरकर्त्याच्या खात्यातून पेमेंट करण्यासाठी, दुय्यम वापरकर्त्याने त्यांचे UPI ॲप उघडावे आणि QR कोड चिन्हावर टॅप करणे आवश्यक आहे.
  • त्यानंतर प्राथमिक वापरकर्ता Google Pay वरील प्रोफाइल फोटो किंवा सुरुवातीच्या अक्षरावर टॅप करून UPI सर्कल विभागात प्रवेश करेल.
  • प्राथमिक वापरकर्ता UPI सर्कल फीचरसाठी दुय्यम वापरकर्ता निवडताना (पूर्ण किंवा आंशिक) प्रतिनिधी यापैकी एक पर्याय निवडू शकतो.
  • त्यानंतर दुय्यम वापरकर्त्याला सेटअप पूर्ण करण्यासाठी आमंत्रण स्वीकारावे लागेल.

हेही वाचा –Mark Zuckerberg : ‘मेटा’चे सीईओ मार्क झुकरबर्ग बनले जगातील दुसऱ्या क्रमांकाचे श्रीमंत व्यक्ती, जेफ बेझोस यांना टाकलं मागे; संपत्ती कितीने वाढली

UPI सर्कल वापरून पेमेंट करणे (Making a Payment using UPI Circle)

  • एकदा UPI सर्कल सेट केल्यानंतर, दुय्यम वापरकर्ता आधीपासून सेट केलेली मासिक १५,००० रुपयांच्या मर्यादेत स्वतंत्रपणे पेमेंट करू शकतो, ज्यामध्ये प्रत्येक व्यवहार ५,००० रुपयांपर्यंत करता येऊ शकतो.
  • जेव्हा जेव्हा दुय्यम वापरकर्ता पेमेंट विनंती पाठवतो, तेव्हा प्राथमिक वापरकर्त्याने दिलेल्या माहितीच्या आधारावर विनंती मंजूर करणे किंवा नाकारणे आवश्यक असते.

विशेष म्हणजे, प्राथमिक आणि दुय्यम दोन्ही वापरकर्ते त्यांच्या प्रोफाईलमधील UPI सर्कल विभागाद्वारे रिअल-टाइममध्ये त्यांच्या पेमेंट विनंत्यांची स्थिती ट्रॅक करू शकतात. हे फिचर अधिक पारदर्शकतेसाठी पूर्ण झालेल्या सर्व व्यवहारांचा इतिहास देखील दर्शवते.

हेही वाचा –२४ नाही २५ तासांचा दिवस होणार; चंद्र पृथ्वीपासून लांब चालल्याचा परिणाम!

गेल्या चार तासांमध्ये गुगलवर UPI हा किवर्ड २५ व्या क्रमांकावर ट्रेंड होत आहे. (सौजन्य – Google Trend)

UPI सर्कलसाठी वापरकर्त्यांवर मर्यादा आहे (User limits for UPI Circle)

एक प्राथमिक वापरकर्ता पाच दुय्यम वापरकर्ते जोडू शकतो, एकापेक्षा जास्त अवलंबित व्यक्तींसाठी आर्थिक व्यवहार करू शकतो. पण, प्रत्येक दुय्यम वापरकर्ता एका वेळी फक्त एका UPI सर्कलचा भाग असू शकतो.