Viral video: आजी म्हणजे काय दुधावरची साय, आजी म्हणजे काय आपल्या आईवडिलांची आय. आजी म्हणजे नातवंडाबरोबर रमणारी त्यांच्यावर प्रेम करणारी, सुरकुतलेल्या हातांनी मायेने आपल्या कवेत घेणाऱ्या अशाच एका आजीचा व्हिडीओ सध्या व्हायरल होत आहे. सोशल मीडियावर रोज अनेक व्हिडीओ व्हायरल होत असतात, यातील काही व्हिडीओ हे हसवणारे असतात तर काही रडवणारे. सध्या समोर आलेला व्हिडीओ हा आजी आणि नातवाचा आहे. आजी आणि नातवंडांमधलं नातं या व्हिडीओमधून समोर आलं आहे.
नातवानं आजीला दिलेलं सरप्राईज आणि आजीचा आनंद सगळंच पाहण्यासारखं आहे. या व्हिडीओमध्ये तुम्ही पाहू शकता, एका कारमध्ये नातू आजी निवांत गप्पा मारत बसले आहेत. तंत्रज्ञान किती पुढे गेलं आहे, आपल्यासाठी हे कॉमन असलं तरीही गावाकडच्या आजी-आजोबांसाठी काही गोष्टी खूप नवीन असतात. छोट्या छोट्या गोष्टींचं त्यांना मोठं कुतुहल असतं. असंच या आजीच्या बाबतीत झालं.
VIDEO पाहून तुम्हालाही येईल आजीची आठवण
तरुण कारमध्ये पुढच्या सीटवर बसला आहे तर आजी मागच्या सीटवर बसली आहे. यावेळी नातू आजीला कारचं सनरुफ ओपन करुन दाखवतो. ते पाहून आजीला खूप वेगळे वाटते, पहिल्यांदाच एखादी अनोखी गोष्ट पाहिल्यासारखं आजी वर पाहत राहते. यावेळी नातवाच्या चेहऱ्यावरचा आनंदच सर्वकाही सांगून जातो.
पाहा व्हिडीओ
हेही वाचा >> बापरे! चाकं नसलेल्या बाईकची रस्त्यावर सुसाट एन्ट्री; Video पाहून डोळ्यांवर विश्वास बसणार नाही
सोशल मीडियात सध्या हा व्हिडीओ चांगलाच व्हायरल होत आहे, ज्यावर लोक वेगवेगळ्या प्रतिक्रिया देत आहे. हा व्हिडीओ @sidkorade या अकाऊंटवर शेअर करण्यात आला आहे. व्हिडीओला हजारोंमध्ये लाईक शेअर मिळत आहे. लोक वेगवेगळ्या प्रतिक्रियाही यावर नेटकरी देत आहेत. तर अनेकांना व्हिडीओ पाहून आपल्या आजीची आठवण आली.
