Viral Video : घोरपडीच्या सुटकेचा थरार तुमचा श्वास रोखून धरेल!

समुद्रकिनारी असलेली घोरपड आजूबाजूला नजर फिरवून सुरक्षित असल्याची खात्री करत निश्चिंत उभी आहे. आजूबाजूला अगदी निरव शांतता पसरली आहे. असे असताना एका पाठोपाठ एक असे शेकडो साप अचानक तिची शिकार करण्यासाठी तिला घेरतात. त्यांची नजर चुकवत ही घोरपड कशीबशी पळ काढते. पण पुढे अचानक दहा बारा साप तिच्यावर तुटून पडतात. आता या घोरपडीचा खेळ खल्लास असेच सगळ्यांना वाटते पण ही घोरपड अत्यंत शिताफिने या सापांच्या विळख्यातून पळ काढण्यात यशस्वी होते. सापांचे दुष्टचक्र फक्त इथेच थांबत नाही. तर किना-यावर असणा-या खडकांतून पळ काढताना हे साप तिथेही तिचा पाठलाग करतात. पण ही चपळ घोरपड परिस्थितीपुढे हार न मानता, सापांच्या तावडीतून स्वत:ची सुटका करून घेण्यात यशस्वी होते. या व्हिडिओला सोशल मीडियावर तूफान पसंती मिळत असून आतापर्यंत लाखो लोकांनी हा व्हिडिओ शेअर केला आहे.