Groom dance viral video: लग्न म्हणजे प्रत्येकाच्या आयुष्यातील एक खास, महत्त्वाचा असा क्षण असतो आणि हा क्षण फक्त नवरा-नवरीच नव्हे तर सर्वांच्या कायम लक्षात राहावा यासाठी प्रयत्न केले जातात. अगदी सध्या नवरा-नवरीसुद्धा आपल्याच लग्नात काही ना काही सरप्राइझ देण्याचा प्रयत्न करतात. प्रत्येक जण आपल्या लग्नाचा दिवस कायम लक्षात रहावा यासाठी वेगवेगळ्या पद्धतीने साजरा करतात. लग्न म्हटल्यावर भरमसाठ नातेवाईक, पंचपक्वान आणि डीजेचा ताल या गोष्टी आल्याच. अशातच आता डान्सशिवाय लग्न पूर्ण होतच नाही. अशाच एका मारवाडी नवऱ्यानं त्याच्या महाराष्ट्रीयन बायकोसाठी भन्नाट डान्स केला आहे. याचा व्हिडीओ सध्या सोशल मीडियावर व्हायरल झाला असून पाहून तुम्हीही कौतुक कराल.
पती पत्नीचे नाते हे जगावेगळे असते. लग्नानंतर दोन व्यक्ती एकत्र येऊन नवीन आयुष्याची सुरूवात करतात. एकमेकांना आयुष्यभर साथ देण्याचे वचन देतात. एकमेकांच्या सुख दु:खात कायम बरोबर राहतात. या नात्यात एक वेगळे प्रेम आणि जिव्हाळा पाहायला मिळतो. सध्या असाच एक व्हिडीओ व्हायरल होत आहे. हा व्हिडीओ पाहून तुम्हीही म्हणाल, आयुष्य खूप सुंदर आहे फक्त नवरा हौशी पाहिजे.
या व्हिडीओमध्ये तुम्ही पाहू शकता, मारवाडी नवरदेव आणि महाराष्ट्रीयन नवरीचं लग्न आहे. यावेळी नवरदेवानं आपल्या होणऱ्या बायकोसाठी खास मराठी गाण्यावर तुफान डान्स केला आहे. हे पाहून नवरीही अवाक् झाली असून नवरीचीही रिअॅक्शन पाहण्यासारखी आहे. “अगं मनात माझ्या आली साधी नितळ भावना, किती Alone राहू आता चल Couple होउना, बघ तरी गोडीत..लक्झरी गाडीत..आलोया मै हूँ DON बेबी ब्रिंग इट ऑन” या मराठी गाण्यावर आपल्या मित्रांसोबत नवरदेवानं भन्नाट असा डान्स केला आहे.
पाहा व्हिडीओ
सोशल मीडियावर नवरदेव आणि नवरीचे अनेक असे व्हिडीओ पाहायला मिळतात, ज्यात दोघंही लग्नासाठी अतिशय उत्सुक असतात. आपलं लग्न इतरांपेक्षा जरा हटके आणि अविस्मरणीय करण्याची अनेकांची इच्छा असते. यासाठी वधू आणि वर दोन्हीकडून प्रयत्न सुरू असतात. आपलं लग्न झालं याचा आनंद प्रत्येकाला असतो, जो नवरा-नवरीच्या चेहऱ्यावरील हास्यातून झळकतो. पण काही नवरा-नवरी असे असतात जे हा आनंद फक्त हास्यातून दाखवत नाही. तर त्यांना खुलेपणाने व्यक्त करायला आवडतं. अशाच एका नवरदेवाचा डान्स सध्या व्हायरल होतोय.
