Bride Groom Video: लग्नाशी संबंधित अनेक व्हिडिओ सोशल मीडियावर प्रचंड व्हायरल होत असतात. यात नवरा नवरीचा डान्स, पाहुण्यांच्या करामती हे प्रमुख आकर्षण असतं. मात्र असे देखील व्हिडिओ असतात जे आपल्याला प्रचंड हसवतात. यामध्ये नवरीचे होणारे भांडणाचे व्हिडीओ जास्त व्हायरल होतात. तर काही व्हिडिओ असेही असतात जे पाहून असे वाटते की ते व्हायरल व्हावेत अशा पद्धतीने मुद्दाम बनवले आहेत. आता या यादीत एका नवीन व्हिडिओने एंट्री घेतली आहे. ज्यामध्ये नवरा नवरीला उचलत घेत स्टेजवरून उतरताना पायऱ्यावरून घसरल्याचं दिसत आहे. पण त्यानंतर नवऱ्याने केलेली कृती चर्चेचा विषय ठरत आहे.
व्हायरल होत असलेल्या या व्हिडिओमध्ये तुम्ही पाहू शकता की, नवरा नवरीला उचलून घेत स्टेजवरून खाली घेऊन जाताना दिसत आहे. पण तितक्यात नवऱ्याचा पाय घसरतो आणि तो नवरीला घेऊन खाली पडतो. मात्र नवरीला तो पडू देत नाही. दरम्यान, तो खाली पडून पायऱ्यांवर बसताच अचानक नवरीच्या गालाचे चुंबन घेतो आणि हे बघून नवरी त्याच्याकडे हसत बघत राहते. नवऱ्याची ही स्टाईल लोकांना खूप आवडली आहे, त्यामुळे या व्हिडिओने लोकांची मने जिंकली आहेत.
येथे पाहा व्हिडिओ
( हे ही वाचा: भर लग्नमंडपात कुटुंबीयांनी उडवले लाखो रुपये; पुढे काय घडलं ते तुम्हीच पाहा)
हा व्हायरल व्हिडिओ इंस्टाग्रामवर joyajaan816 नावाच्या पेजवरून शेअर करण्यात आला आहे. लोकांना हा व्हिडीओ खूप आवडला आहे आणि ते नवऱ्याचे कौतुकही करत आहेत. या व्हिडिओला आतापर्यंत अडीच लाखांहून अधिक लाईक्स मिळाले आहेत. या व्हिडिओवर लोक खूप कमेंट करत आहेत. एका यूजरने लिहिले ‘तो पडला पण त्याने स्वतःचा आणि पत्नीचा अपमान होऊ दिला नाही’ तर दुसर्‍याने लिहिले ‘पडल्यानंतरही वराचा आत्मविश्वास कमी झाला नाही.’
