लग्नाचा दिवस म्हणजे प्रत्येकाच्या आयुष्यातील महत्त्वाचा दिवस मानला जातो. रोमॅन्टिंक बॉलीवूड चित्रपटामध्ये तरी असेच दाखवले जाते.
पारंपारिक लग्नाच्या क्षणी नवरदेव आपल्या नवरीची एक झलक पाहण्यासाठी आतुरतेने वाट पाहत असतो पण खऱ्या आयुष्यात असे घडेलच असे नाही. नुकतीच याची प्रचिती देणारा व्हिडीओ चर्चेत आला आहे. सध्या व्हायरल होत असलेल्या एका व्हिडीओमध्ये एक नवरदेव भरमंडपात आपल्या मोबाईलमध्येच व्यस्त असल्याचे दिसते. व्हिडीओमध्ये दिसतो, हा नवरदेव शेअर मार्केट संबधीत ट्रेडिंगचे ग्राफ पाहात आहे.
नवरदेवाचे नवरीपेक्षा मोबाईकडेच जास्त लक्ष
नफा कमावण्यासाठी अल्प कालावधीत स्टॉक, बाँड, कमोडिटीज किंवा चलने खरेदी आणि विक्रीचा संदर्भ देणाऱ्या ट्रेडिंगकडे अलीकडच्या काळात तरुणाईचा कल वाढत आहे. @tradingleo.in या इंस्टाग्राम अकाऊंटने शेअर केलेल्या व्हिडिओमध्ये एक शेरवानी परिधान केलेला नवरदेव दिसत आहे, जो त्याच्या स्वत:च्या लग्न समारंभापेक्षा त्याच्या ट्रेडिंग डॅशबोर्ड पाहण्यातच जास्त गुंतलेला दिसत आहे. हा व्हिडीओ कोणीतरी मागून शूट केला आहे. व्हिडीओ स्क्रीन झूम केल्यावर नवरदेव बाजारातील चढ-उतारांचा मागोवा घेत असल्याचे दिसते.
व्हिडीओ शेअर करताना कॅप्शनमध्ये फक्त ‘ट्रेडर्स’ असे लिहिले आहे.
हेही वाचा –“हे चीनी लोक काहीही खातात”; चीनच्या पिझ्झा हटमध्ये विकला जातो तळलेल्या बेडकाचा पिझ्झा, फोटो होतोय तुफान Viral
नेटकरी म्हणे, लग्नाचा खर्च…
११ दशलक्ष अधिक लोकांनीहा व्हिडीओ पाहिला असून अनेकांनी मजेशीर प्रतिक्रिया व्यक्त केल्या आहेत. एका यूजरने लिहिले की, “भाई भाऊ, लग्नाचा खर्चासाठी पैसे कमावत आहे. दुसऱ्या युजरने कमेंट केली, “अशा पद्धतीने त्याला लग्न करणे परवडले.”
“फक्त ट्रेडर्सच मार्केटची स्थिती समजू शकतात!” तिसऱ्या वापरकर्त्याने सांगितले. “ट्रेडर गमावू नका नाहीतर लग्न रद्द होईल,” दुसऱ्या वापरकर्त्याने टिप्पणी दिली.
