Groom Dance Video: लग्न म्हटलं की दोन व्यक्ती, दोन कुटुंब एकत्र येतात. लग्नसमारंभात अनेक मजा मस्तीही पाहायला मिळते. मजा मस्तीशिवाय तर लग्नसमारंभ फिकाच आहे, त्यामुळे लग्नामधील अनेक मजेशीर व्हिडीओ समोर येत असतात. खास करून डान्स व्हिडीओ सोशल मीडियावर व्हायरल होत असतात. सोशल मीडियावर अनेकदा लग्नासंबंधित अनेक व्हिडीओ व्हायरल होत असतात. कधी मेहंदी कार्यक्रमातील तर कधी संगीतामधील व्हिडीओ असतात. मग या व्हायरल व्हिडीओत कधी कपल डान्स असतो तर कधी नवरा-नवरीच्या आई-वडिलांचा. सध्या नवरदेवाचा डान्स व्हायरल झालेला आहे, तो व्हिडीओ पाहून नेटकरी चकीतच झालेले दिसत आहेत.
आजकाल लग्नात खास डान्स परफॉर्मन्स करणं ही अगदी सामान्य बाब झाली आहे. आपल्या जोडीदारासाठी या खास दिवशी डान्स करीत वधू-वर आपला आनंद द्विगुणीत करतात. सोशल मीडियावर अनेकदा लग्नसोहळ्यातील अशा डान्सचे व्हिडीओ व्हायरल होत असतात. सध्या नवरदेवाचा असाच एक डान्स परफॉर्मन्स सोशल मीडियावर व्हायरल होतोय; पण या परफॉर्मन्समुळे लोकांनी त्याला ट्रोल केले आहे. नेमकं काय घडलंय ते जाणून घेऊ…
नवरदेवाचा डान्स व्हायरल
सध्या व्हायरल होणाऱ्या व्हिडीओमध्ये नवरदेव एका मुलीबरोबर भोजपुरी गाण्यावर नाचताना दिसत आहे. बरेच लोक तिथे उभे राहून ते नृत्य पाहत आहेत. नवरदेवाच्या हटके डान्स मूव्हजमुळे हा व्हिडीओ व्हायरल होत आहे. या नवरदेवाच्या डान्स स्टेप्स पाहून सर्व अवाक् झालेत. हा व्हिडीओ कधीचा आणि कुठला आहे, याबद्दल कोणतीही माहिती मिळू शकली नाही, अगदी काही सेकंदांचा हा व्हिडीओ सध्या इंटरनेटवर धुमाकूळ घालताना दिसत आहे. मजेशीर कमेंटही व्हिडीओवर पाहायला मिळत आहेत. व्हिडीओ पाहिल्यानंतर लोकांनी त्याला ट्रोल केले. आधी तुम्ही एकदा व्हिडीओ पाहा आणि लोकांनी काय म्हटलं ते जाणून घ्या…
व्हायरल व्हिडीओ येथे पाहा
तुम्ही आत्ताच पाहिलेला व्हिडीओ zindgi_ki_kahani11345667 नावाच्या अकाउंटवरून इन्स्टाग्रामवर पोस्ट करण्यात आला आहे. व्हिडीओ पोस्ट करताना कॅप्शनमध्ये लिहिले होते, ‘हे काय होते?’ बातमी लिहिपर्यंत अनेकांनी व्हिडीओ पाहिला होता. व्हिडीओ पाहिल्यानंतर त्यातील एका युजरने कमेंट केली, ”नाचत तू आहेस, पण लाज आम्हाला वाटत आहे”, तर दुसऱ्या युजरने कमेंट केली, ”असा डान्स पाहण्यापेक्षा मी आंधळाच बरा”, तर तिसऱ्या युजरने म्हटले, “हे काय आहे भाऊ”, अशा अनेक प्रतिक्रिया आलेल्या आहेत.