Heart Attack During Marriage: हृदयविकाराच्या झटक्याचे प्रमाण दिवसेंदिवस वाढत आहे. आजकाल तरुणांमध्येही हृदयविकाराच्या झटक्याचे प्रमाण वाढत आहे. हल्ली हृदयविकाराशी संबंधित अनेक व्हिडिओ समोर येत आहेत. कुठे तो जेवण करत होता, कुठे नाचत होता तर कुठे जिममध्ये त्याला अचानक हृदयविकाराच्या झटक्याने प्राण गमवावे लागले, अशा घटना समोर आल्या आहेत. पण साता जन्माच्या शपथा घेत असतानाच जोडीदाराने साथ सोडून जगाचा निरोप घ्यावा याहून दुर्दैव काय असेल. पाकिस्तानमधील नुकताच एक व्हिडिओ सोशल मीडियावर मोठ्या प्रमाणात व्हायरल होत आहे. ज्यात काही मिनटांत आनंदाचं रुपांतर दु:खात झालं असल्याचे दिसत आहे. नेमकं काय घडलं? पाकिस्तानमधील जो व्हिडिओ व्हायरल होत आहे तो सियालकोटमधील एका लग्नाचा असल्याचे सांगण्यात येत आहे. जिओ न्यूजनुसार, हा व्हिडिओ सियालकोटच्या डस्का तहसीलचा आहे. या व्हिडिओमध्ये वधू-वर सोफ्यावर बसलेले दिसत आहेत. त्यांच्या आजूबाजूला कुटुंबीयही बसलेले दिसत आहेत. आनंदी वातावरण आहे आणि सर्वजण मौज मजा मस्ती करताना दिसत होते. अचानक त्यांच्या आनंदाचे दुःखात रुपांतर होते. ही घटना रविवारी घडल्याचे सांगण्यात येत आहे. व्हायरल व्हिडिओमध्ये, सोफ्यावर बसलेला नवरदेव अचानक आपले डोके हळू हळू गुडघ्याकडे टेकताना दिसतोय. बाकीचे आजुबाजुला बसलेले लोकं गप्पा मारण्यात मग्न होते. नवरदेवाकडे काही मिनिटे कोणाचेच लक्ष नसते. काही मिनिटांनंतर लोकांचे त्याच्याकडे लक्ष जाताच काय झालं म्हणून त्याला उठवण्याचा प्रयत्न करण्यात आला. पण त्याचा श्वास तिथेच थांबला. तेथे उपस्थित असलेल्या एका वैद्यकीय तज्ज्ञाने त्याची तपासणी केली असता, नवरदेवाच्या हृदयाचे ठोके बंद झाले आणि त्याचा मृत्यू झाल्याचे सांगितले. त्याच्या मृत्यूची बातमी कळताच संपूर्ण मांडवात शोककळा पसरली. वधूला तर याने धक्काच बसला. ज्याच्यासोबत संपूर्ण आयुष्य घालवायचं स्वप्न तिने पाहिलं होतं तो मांडवातच सारं अर्धवट सोडून जगातून निघून गेला. (हे ही वाचा : “मागे बघ…”, शेजारी दोन विषारी सापांची झुंज अन् व्यक्ती गोल्फ खेळण्यात व्यस्त, व्हिडिओ पाहून धराल डोकं ) पाहा व्हिडिओ https://twitter.com/MeAamAdmi/status/1736820688898732462?ref_src=twsrc%5Etfw%7Ctwcamp%5Etweetembed%7Ctwterm%5E1736820688898732462%7Ctwgr%5Ea8f4acd4410d9e927bf7a7bdd22edfa3580d4111%7Ctwcon%5Es1_&ref_url=https%3A%2F%2Fsaamtv.esakal.com%2Fviral-videos%2Fman-dies-on-the-spot-due-to-heart-attack-marriage-at-pakistan-video-goes-viral-on-social-media-gp98 पोलिसांनी दिलेल्या माहितीनुसार, हृदयविकाराच्या झटक्याने नवरदेवाचा जागीच मृत्यू झाल्याचे कुटुंबीयांनी सांगितले. कुटुंबीयांनीही चौकशी किंवा तक्रार करण्यास नकार दिल्याचे पोलिसांनी सांगितले.
