रायगडानंतर आता हरिश्चंद्रगडाचा VIDEO समोर; ट्रेकींगचा प्लॅन करत असाल तर थांबा, आधी ‘हे’ पाहा

हरिश्चंद्रगडाचा व्हिडीओ समोर

पावसाळ्याला खरी सुरुवात झाली आहे. निसर्गाने हिरवा शालू परिधान केला आहे. गड, किल्ले अन् धबधबे पाहण्यासाठी गर्दी होऊ लागली आहे. शनिवार, रविवारी मोठ्या संख्येने युवक, युवती पर्यटनासाठी बाहेर पडत आहे. विकेंड साजरा करणाऱ्यांची मोठी गर्दी वर्षापर्यटनाच्या स्थळी होत आहे. यामुळे रस्त्यावर वाहतूक ठप्प होणे, गड किल्ल्यांवर अडकून राहण्याचे प्रकार यादरम्यान घडत असतात. दरम्यान, काही दिवसांपूर्वी लोणावळ्यात एकाच कुटुंबातील पाच जण वाहून गेल्याची घटना रविवारी (३० जून) घडली होती. ही घटना ताजी असतानाच ताम्हिणी घाटात एक तरुण वाहून गेल्याची घटना घडली. याच पार्श्वभूमीवर आता हरिश्चंद्रगडाचा व्हिडीओ समोर आला आहे.

पर्यटकांना जाण्यास बंदी

तुम्हीही जर या दिवसांमध्ये हरिश्चंद्रगडावर जायचा प्लॅन करत असाल तर थांबा, आधी हा व्हिडीओ पाहा अन्यथा पर्यटनाच्या आनंदाऐवजी अडचणींना समोरे जावे लागेल. या व्हिडीओमध्ये तुम्ही पाहू शकता, मागच्या काही दिवसांत संपूर्ण महाराष्ट्रात तुफान पाऊस पडला आहे. याच पावसात रायगडावरही ढगफुटी झाली होती, यानंतर आता हरिश्चंद्रगडावरही पावसाचे पाणी धबधब्याप्रमाणे वाहत आहे. या ठिकाणी पर्यटकांना जाण्यास बंदी केली असून एखादी दुर्घटना होण्याची शक्यता आहे.

पाहा व्हिडीओ

हेही वाचा >> Gujrat VIDEO: ही गर्दी नाही बेरोजगारी; जागा ५ उमेदवार हजारो, गुजरातमध्ये खासगी कंपनीच्या मुलाखतीत चेंगराचेंगरी

हरिश्चंद्रगडाला अहमदनगर जिल्ह्याचे महाबळेश्वर म्हटले जाते. पर्यटकांचे आवडते ठिकाण हा गड आहे. अकोले तालुक्यात हा गड येतो. पुण्यापासून हरिश्चंद्रगडाचे अंतर १६३ किलोमीटर आहे. मुंबईवरून २०१ किलोमीटर अंतरावर हरिश्चंद्रगड आहे. भंडारदऱ्यापासून फक्त १६ किलोमीटरवर गड आहे, तर नाशिकवरून ६७ किलोमीटरवर हा गड आहे. यामुळे नाशिक, पुणे, मुंबई, अहमदनगर जिल्ह्यातील पर्यटक विकेंडसाठी या ठिकाणी येतात. परंतु शनिवार, रविवारी होणारी गर्दी पाहूनच पर्यटनाचे नियोजन करायला हवे.