महामार्गावरील दारुबंदीसाठी लढणाऱ्या लढवय्याची कहाणी

रुग्णालयात असताना त्यांच्यासारखे रस्ते अपघातात जखमी झालेले, मृत्यूमुखी पडलेले आणि कायमचे अपंगत्त्व आलेले अनेक होते आणि तेव्हापासून रस्ते अपघातग्रस्तांसाठी त्यांनी काम करण्याचे ठरवले. त्यांनी जेव्हा रस्ते अपघाताबद्दल अधिक माहिती मिळवली तेव्हा धक्कादायक आकडेवारी त्यांच्यासमोर आली. भारतात दर ४ मिनिटाला रस्ते अपघातात एकाला आपला जीव गमवावा लागतो, यातले ३५ टक्के अपघात दारू पिऊन गाडी चालवल्याने होतात, दुसरी गोष्ट म्हणजे हीच माहिती गोळा करत असताना पानीपत ते जालंधर या २९१ किलोमीटरच्या पल्ल्यात जवळपास १५० हून अधिक दारूची दुकाने असल्याचे लक्षात आले आणि ती बंद करण्यासाठी त्यांनी जनहित याचिका दाखल केली. त्यांच्या या लढाईमुळे त्यांनी १ हजार दारूची दुकाने बंद केली पण नंतर या निर्णयावर स्टे आणण्यात आला. पण याविरोधात हरमन यांनी आपली लढाई अशीच सुरू ठेवली.

महामार्गावरील ५०० मीटरच्या परिसरात असेली दारूची दुकाने बंद करण्याचे आदेश सुप्रिम कोर्टाने दिले १ एप्रिलपासून या निर्णयाची अंमलबजावणीस सुरूवात झाली आहे. त्यामुळे दिर्घ काळापासून सुरू असलेल्या हरमन यांच्या लढाईला यश आले.