लोकांचे समर्थन मिळवण्यासाठी राजकारणी कुठल्याही थराला जाऊ शकतात याचे ताजे उदाहरण तेलंगणातून पुढे आले आहे. तेलंगणा राष्ट्र समितीचे (TRS) नेते राजानाला श्रीहरी हे लोकांना मद्य आणी कोंबडी वाटप करताना एका व्हिडिओत दिसून येत आहे. दसराच्या अगोदरच्या दिवशी त्यांनी लोकांना हे उपहार दिले होते. याचा व्हिडिओ आता इंटरनेटवर व्हायरल झाला आहे. व्हिडिओ पाहून नेटकऱ्यांचे हासू हासू पोट दुखत आहे.
उद्योगपती हर्ष गोएनका यांनी हा व्हिडिओ ट्विटरवर शेअर केला आहे. राजकारण्यांद्वारे फुकट उपहार देण्याचे हे अनोखे उदाहरण असल्याचे हर्ष गोएनका यांनी कॅप्शनमध्ये लिहिले आहे. व्हिडिओमध्ये वरंगल येथे उपहार मिळण्यासाठी रांगेत लागलेल्या लोकांना पुढारी मद्याची बाटल आणि जीवंत कोंबडी देत असल्याचे दिसून येत आहे. मद्याचे सेवन करू नये असा सल्ला देण्याऐवजी पुढारीच जनतेला मद्य वाटप करत असल्याचा चुकीचा प्रकार घडला आहे.
नेटकरी व्हिडिओ पाहून अवाक
हा व्हिडिओ पाहून नेटकरी अवाक झाले आहेत. त्यांनी व्हिडिओतील नेत्याची भरपूर थट्टा केली. तर काहींनी या कृत्याचे निषेध देखील केले. या उपहाराचे लवकर परिणाम मिळतील, असा विनोद एका युजरने केला आहे, तर कॅमेऱ्यासमोर मद्य वाटप करण्याचे धाडस दाखवणाऱ्या नेत्याला पाहून एका युजरने आश्चर्य व्यक्त केले आहे. तर प्रोटिन, फॅट, कार्बोहायड्रेट, व्हिटामिन आणि मिनरल्स जेव्हा मद्यासोबत एकत्र होतात तेव्हा ‘व्होटिंग इफेक्ट’ मिळतो अशी थट्टा एका युजरने केली.
उल्लेखनीय म्हणजे, तेलंगणाचे मुख्यमंत्री के चंद्रशेखर राव हे दसऱ्याच्या दिवशी त्यांच्या राष्ट्रीय पक्ष सुरू करणार होते. त्याच्या आदल्या दिवशी हे घडले. यावर तेलंगणा सीएमओकडून स्पष्टीकरण देण्यात आले आहे. व्हिडिओमधील कृत्य राष्ट्रीय पक्ष बनवण्याच्या कार्याशी संबंधित नसून ते दसरा उत्सवाशी संबंधित असल्याचे सांगण्यात आले आहे.
