‘केल्याने होत आहे रे आधी केलेच पाहिजे’ या उक्तीप्रमाणे जिद्द व मेहनत असेल तर कोणतेही काम साध्य होते. एक दिवस आई-वडिलांचे स्वप्न साकार करायचे अशी जिद्द ठेवून मारुती पवार यांनीही मेहनतीनं यश खेचून आणलं. मारुती पवार यांची पिएसआय पदी निवड झाल्यानंतर पहिल्यांदाच आईला भेटतानाचा क्षण सध्या व्हायरल होत आहे. सोशल मीडियावर दररोज हजारो व्हिडीओ व्हायरल होत असतात. ज्यामध्ये काही आपलं मनोरंजन करणारे असतात, तर काही आपल्याला भावूक करणारे. आपल्याला माहिती आहे, आई-वडिल आपल्या मुलांना मोठं करतना अपार कष्ट घेतात आणि मुलांना चांगलं शिक्षण देतात. हेच कष्ट डोळ्यासमोर ठेऊन काही मुलं मात्र आई-वडिलांचं नाव मोठं करतात. सध्या असाच एक भावूक करणारा माय-लेकाचा व्हिडीओ सोशल मीडियावर व्हायरल होत आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

आई वडील मुलांना मोठं करण्यासाठी अनेक काबाडकष्ट करत असल्याचे आपण अनेकदा पाहिलं असेल. काही वेळा मुलं मोठी झाल्यावर याची परतफेड करताना कसे वागतात हेही आपण पाहिलं असेल..तरीही आई आपल्या मुलांवर किती प्रेम करते हे सांगायची गरज नाही. तुमच्या प्रत्येक छोट्या गरजांची काळजी घेण्यापासून ते तुमच्यावर प्रेमाचा वर्षाव करण्यापर्यंत, ती नेहमीच तुमच्याबद्दल विचार करत असते. मुलही आईच्या पदराआड सुखात असतात, पण हीच मुलं मोठी झाली की आपआपल्या मार्गानं निघून जातात. मात्र आई ही तिथेच असते. अशाच माय-लेकाच्या भेटीचा व्हिडीओ सध्या सोशल मीडियावर व्हायरल झाला आहे.

आणखी वाचा

या व्हिडीओमध्ये तुम्ही पाहू शकता, आई समोरून येत आहे आणि आईला आनंदाची बातमी सांगण्यासाठी मुलगा आईची वाट पाहत आहे. आई जशी येते तशी मुलगा आईला मिठी मारतो आणि उचलून घेतो. पीएसआय पदी निवड झाल्याची बातमी तो यावेळी आईला देतो आणि यावेळी आईनं त्याच्यासाठी आयुष्यभर केलेले कष्ट त्याच्या डोळ्यासमोर उभे राहतात, तर आईच्या कष्टाचं चीज केल्याचा आनंद वडिलांच्या चेहऱ्यावर दिसत आहेत. दोघेही माय-लेक ज्या क्षणाची वाट बघत होते, जे स्वप्न पाहिलं होतं ते अखेर पूर्ण झालं होतं.

पाहा व्हिडीओ

हेही वाचा >> पियुष मिश्रा यांच्या ‘आरंभ है प्रचंड’ गाण्याचे बोल बदलून बनवलेलं ‘हे’ गाणं ऐकलं का? VIDEO पाहून पोट धरून हसाल

हा व्हिडीओ पाहून नेटीही भावूक झाले आहेत तर अनेक प्रतिक्रिया या व्हिडीओवर देत आहेत. आई-वडिलांनी कष्ट करावं आणि पोरांनी त्याचं मोल करावं अशा प्रतिक्रिया यावर येत आहेत.