‘ते’ ट्विट भोवलं, L’Oreal च्या जाहिरातीतून मुस्लिम मॉडेलची माघार

काही दिवसांपूर्वी ‘लॉरिअल’ ही जगप्रसिद्ध आणि नामांकित सौंदर्य प्रसाधनांची निर्मिती करणाऱ्या कंपनीनं हिजाब परिधान करणाऱ्या मॉडेलला आपल्या जाहिरातीत स्थान दिलं होतं. लॉरिअलच्या या निर्णयाची जगभरात चर्चा होती, कारण लॉरिअलनं पहिल्यांदाच हिबाज घालणाऱ्या मॉडेलला आपल्या जाहिरातीत स्थान दिलं होतं. हॉलिवूडच काय पण बॉलिवूडमधल्या आघाडीच्या अभिनेत्री या ब्रँडच्या ‘ब्रँड अॅम्बेसिडर’ आहेत. यात ऐश्वर्या राय बच्चन, सोनम कपूर, दीपिका पादुकोन, कतरिना कैफ अशा अभिनेत्रींचा समावेश आहे. त्यामुळे या नामांकित कंपनीच्या जाहिरातीत काम करणं म्हणजे अनेक मॉडेल्ससाठी स्वप्नच असतं. काही दिवसांपुर्वी या कंपनीनं अमेना खान या ब्रिटीश मॉडेलची ब्रिटनमधल्या शॅम्पूच्या जाहिरातीसाठी निवड केली होती.