आपल्या सभोवताली आपल्या प्राण्यांवर प्रेम करणारे आणि प्राण्यांना त्रास देणारे अशा दोन्ही प्रकारचे लोक आढळतात. कुत्रा हा सर्वात जास्त पाळला जाणारा प्राणी आहे. काही जण कुत्र्यांना अगदी जीवाप्रमाणे जपतात, आपल्या कुटुंबीयांप्रमाणे त्यांना प्रेम देतात आणि सांभाळ करतात. तर, काही जण मात्र याउलट असतात. ते रस्त्याने जात असतानाही कुत्र्यांना त्रास देतात. प्राण्यांवर प्रेम करणारे फक्त आपल्या पाळीव कुत्र्यांचीच काळजी करतात, असं नाही. तर, इतर कुत्र्यांबद्दलही त्यांना तितकंच प्रेम असतं. कुठे जात असताना जर, एखादा कुत्रा अडचणीत दिसला तर असे लोक त्यांना वाचवण्यासाठी प्रयत्न करतात. अशाच एका व्यक्तीने इमारतीच्या आगीत अडकलेल्या तब्बल २५ कुत्र्यांना वाचवलं आहे.
रोज आपण सोशल मीडियावर अनेक प्रकारचे व्हिडिओ पाहत असतो. काही मजेशीर असतात, काही विनोदी असतात, काही गंभीर असतात, तर काही एखाद्या प्राण्याला अडचणीत वाचवल्याचे असतात. असाच एक व्हिडिओ सध्या सोशल मीडियावर व्हायरल होत आहे. या व्हिडीओमध्ये तुम्ही पाहू शकता, एका इमारतीला आग लागली आहे, दरम्यान या आगीत जवळजवळ २५ कुत्रे अडकले आहेत. यावेळी एक व्यक्ती स्वत:चा जीव धोक्यात घालून इमारतीवर चढून कुत्र्यांचा जीव वाचवताना दिसत आहे. या व्यक्तीने सर्व २५ कुत्र्यांचा जीव वाचवला.
पाहा व्हिडीओ
हेही वाचा – फाशी देण्यापूर्वी शेवटची इच्छा का विचारतात? कैदी फाशीच नको म्हणाला तर? जाणून घ्या
हा व्हिडीओ सोशल मीडियावर व्हायरल होत असून अनेकांनी या व्यक्तीने दाखवलेल्या माणूसकीचे कौतुक केलं आहे. एका कुत्र्याला वाचवण्यासाठी एक माणूस कसा जीव धोक्यात घालतो, हे या व्हिडिओमध्ये पाहायला मिळत आहे. हा व्हिडिओ सोशल मीडियावर वेगाने व्हायरल होत आहे.
