Man Sprays Deodorant On Gas Stove: आजच्या काळात सोशल मीडियावर व्हायरल होणाऱ्या व्हिडीओंचं प्रमाण वाढत चाललंय. अगदी लहानग्यांपासून ते मोठ्यांपर्यंत अनेक जण सोशल मीडियाच्या आहारी गेले आहेत. सोशल मीडियावर आपली कला सिद्ध करून अनेक इन्फ्लूएंसर यशाच्या शिखरावर पोहोचले आहेत. परंतु, काही जण याचा वापर अगदी थिल्लरपणा करण्यासाठी करतात.
अनेकदा सोशल मीडियावर वेगवेगळ्या स्टंटचे व्हिडीओ व्हायरल होताना आपण पाहतो. लोक कधी सार्वजनिक ठिकाणी तर कधी रस्त्यांवर जीवघेणे स्टंट करत असतात. तर मुद्दाम माहित असून आयुष्यावर बेततील अशा गोष्टी करायला जातात. सोशल मीडियावर प्रसिद्ध होण्यासाठी आणि काही व्ह्युज आणि लाइक्ससाठी ते स्वत:सह इतरांचा जीवही धोक्यात टाकायला मागे-पुढे पाहत नाहीत. सध्या अशाच दोन मित्रांनी एक जीवघेणा स्टंट केलाय. ज्याचा व्हिडीओ सोशल मीडियावर तुफान व्हायरल होतोय.
दोन मित्रांचा जीवघेणा स्टंट व्हायरल (Stunt Video Viral)
आगीजवळ डिओड्रंट वापरणे अत्यंत धोकादायक आहे कारण त्यात ज्वलनशील रसायने असतात ज्यामुळे स्फोट होऊ शकतो. तथापि, एका कॉन्टेन्ट क्रिएटरने त्याच्या मित्रासह स्वयंपाकघरात धोकादायक कृत्य करण्याचा प्रयत्न केला. त्याने थेट गॅसच्या शेगडीवर डिओ स्प्रे केला. आणि त्यानंतर नेमकं काय घडतं यासाठी त्याने याचा व्हिडिओ रेकॉर्डिंग केला.
व्हिडिओमध्ये असे दिसून आले आहे की दोघेजण स्वतःसाठी चहा बनवत आहेत. गॅसवर ठेवलेल्या दुधाने भरलेल्या भांड्यात ते साखर घालताना दिसले. पण त्यानंतर त्यांनी जो स्टंट केला तो भयानक होता. साखर घालताच एकाने डिओ घेऊन तो पेटत्या गॅस स्टोव्हवर स्प्रे केला. स्प्रे करताच आग झटक्यात वाढली. तरीही तो स्प्रे करतच राहिला. ज्वलनशील पदार्थाची फवारणी केल्यानंतर मंद आगीची तीव्रता वाढली.
सोशल मीडियावर व्हायरल झालेला हा व्हिडीओ @zydus_wellnes या इन्स्टाग्राम अकाउंटवरून शेअर करण्यात आला असून व्हिडीओ व्हायरल होताच याला तब्बल ७.१ मिलियन व्ह्यूज आले आहेत.
युजर्सच्या प्रतिक्रिया
हा व्हिडिओ इंटरनेटवर व्हायरल होत असून केवळ रीलच्या क्रेझसाठी धोकादायक स्टंट केल्याबद्दल नेटकऱ्यांनी दोघांवर संताप व्यक्त केला आहे. व्हिडीओवर अनेकांनी आपल्या प्रतिक्रिया दिल्या आहेत. एका युजरने कमेंट करत लिहिल,”खतरो के खिलाडी”, तर दुसऱ्याने कमेंट करत लिहिलं, “म्हणूनच मूलं खूप कमी जगतात.” तर एकाने “मग चहा झाली की नाही” अशी कमेंट केली.
