Hostel Boy Midnight Video Viral On Internet : शिक्षण घेण्यासाठी किंवा नोकरी मिळवण्याची तयारी करत असताना मुलं, मुली अनेकदा घर सोडून हॉस्टेलला राहतात. अशातच ते आई-वडीलांना मिस करतातच, पण एकांतात राहून त्यांचं आयुष्य एन्जॉयही करतात. कारण आई-वडीलांसोबत राहिल्यावर त्यांना सर्व कामे वेळेवर करावी लागतात. मात्र, वेगळे राहिल्यावर म्हणजेच हॉस्टेल लाईफमध्ये सर्व काही भन्नाट असतं. कारण इथे तुम्ही काय करत आहात, हे कुणीच पाहणारं नसतं. मुलं रात्रभर जागे राहतात आणि सकाळी उशिरा उठतात. एका तरुणाचा अशाच प्रकारचा एक भन्नाट व्हिडीओ व्हायरल झाला आहे. रात्री १२ वाजता उठून मॅगी बनवायला गेला अन् नको ते करून बसला. पण त्याची ही कृती एका मित्राने गुपचूप व्हिडीओ काढून कॅमेरात कैद केली आणि व्हिडीओ व्हायरल केला. व्हिडीओ सोशल मीडियावर तुफान व्हायरल झाल्याने आतापर्यंत या व्हिडीओ ४ कोटींहून अधिक व्यूज मिळाले आहेत.
व्हायरल झालेल्या या व्हिडीओत पाहू शकता की, एक मुलगा किचनमध्ये मॅगी बनवत आहे आणि मॅगी बनवत असतानाच तो विचित्र डान्स करून धमाल करत आहे. या तरुणाला पाहून असं वाटतं की मॅगीपेक्षा डान्सवरच त्याचं लक्ष जास्त आहे. दर्द ए डिस्को गाण्यावर ठुमके मारत या तरुणाने रात्री १२ वाजता अजब डान्स करून सर्वांनाच आश्चर्याचा धक्का दिला. तो मुलगा डान्स करत असताना एका रुममेटने त्याचा हा मजेशीर व्हिडीओ गुपचूप काढला आणि इन्स्टाग्रामवर व्हायरल केला.
इथे पाहा तरुणाचा भन्नाट व्हायरल व्हिडीओ
लोकांना हा व्हिडीओ खूप आवडला आहे. हा व्हिडीओ पाहून लोकांचं खूप मनोरंजन झालं आहे. तरुणाचा हा फनी व्हिडीओ इन्स्टाग्रामवर Suri_Sahab नावाच्या अकाऊंटवर शेअर करण्यात आला आहे. हा व्हिडीओ ४ कोटीहून अधिक लोकांनी पाहिला आहे. तसंच व्हिडीओ पाहिल्यानंतर लोकांनी मजेशीर प्रतिक्रियांचा वर्षावही केला आहे. एका यूजरने प्रतिक्रिया देत म्हटलं, हा चार्जिंगवाला स्टो कधी आला? दुसरा यूजर म्हणाला, डान्स पाहून तर मज्जाच आली.
