पुणे शहर गेल्या काही वर्षात खूप बदलले आहे. शहर पूर्वीपेक्षा आता खूप वेगळे आहे. शहराच्या सीमा विस्तारल्या आहेत. अनेक मोठ-मोठे रस्ते आणि पुल बांधण्यात आले आहेत. रस्त्यांवरून धावणाऱ्या गाड्यांची संख्या देखील मोठ्या प्रमाणावर वाढली आहे. परिणामी वाहतूक कोंडी देखील वाढली आहे. पुण्यातील वाहतूक कोंडी म्हटलं की पुणेकरांना चांदणी चौक आठवतो. कारण आजच्या घडीला या चौकातून प्रवास करणे अत्यंत त्रासदायक झाले आहे. पण पुणेकरांनो, तुम्हाला आज भुलभुलैया वाटणारा हा चांदणी चौक ११९१मध्ये कसा होता हे माहिती आहे का? नसेल तर सोशल मीडियावर व्हायरल होणारा व्हिडीओ एकदा नक्की बघा.
तुम्हा आज चांदीचौकात गेला तर कोणता रस्ता नक्की कुठे जातो हे कोणालाच समजत नाही कारण याठिकाणी आठ रस्ते एकत्र येतात. नव्याने पुल उभारण्यात आला आहे तरी वाहतूक कोंडी मात्र थोडीही कमी झालेली नाही. पण ११९१ मध्ये चांदणी चौक असा नव्हता. आज चांदणी चौकातील वाहतूक कोंडीने त्रासलेल्या पुणेकरांना १९९१ मधील चांदणी चौक पाहून आश्चर्यचा धक्का बसू शकतो.
सोशल मीडियावर चांदणी चौकातील वाहतूक कोंडीचे व्हिडीओ तुम्ही रोज पाहिले असतील पण सध्या १९९१ मधील चांदणी चौकाचा व्हिडीओ व्हायरल होत आहे जे पाहून पुणेकर अवाक् झाले आहेत. ११९१ मध्ये चांदणी चौकातील रस्ता आजच्यापेक्षा तुलनेने छोटा होता पण तरीही सुटसुटीत होता. व्हायरल व्हिडीओमध्ये दिसते की, त्या काळात चांदणी चौकात रस्त्यावर वाहनांची गर्दी नाही. रिक्षा, जुन्या पीएमटी बस मोकळ्या रस्त्यावरून धावताना दिसतात. चांदणी चौकाच्या मधोमध एक दगड उभारल्याचे दिसते. या दगडाच्या चारही दिशांना चार रस्ते जाताना दिसतात. एक रस्ता एनडीए, दुसरा रस्ता कोथरूड पुणे, तिसरा रस्ता पौड, चौथा रस्ता पाषाणच्या दिशेने जात असे दिसतो आहे. त्यानंतर व्हिडीओमध्ये कोथरुड डेपो दिसत आहे जिथे कोणत्याही इमारती बांधलेल्या नाही. मोकळ्या रस्त्यावरून पीएमटीची बस पीएमटी डेपो जाताना दिसते. हॉटेल बंजारा हिल्स देखील व्हिडीओमध्ये दिसते. दुर दुरवर पसरलेले हिरवे डोंगर दिसतात. हे डोंगर म्हणजे आजच्या काळातील बावधन आहे.
हा व्हायरल व्हिडीओ pune_vibes_official आणि kothrudkarpune यांच्या इंस्टाग्रामवर पोस्ट केला आहे. व्हिडीओ शेअर करताना या व्हिडीओचे सौजन्य राहूल अब्दागिरी यांना दिले आहे. व्हायरल व्हिडीओ नेटकऱ्यांना प्रचंड आवडला आहे. व्हिडीओ पाहून पुणेकरांच्या जुन्या आठवणी जाग्या झाल्या आहेत. अनेकांनी व्हिडीओवर कमेंट करत आपल्या आठवणी सांगितल्या आहेत.
व्हिडीओवर कमेंट करताना एकाने लिहिले,”आम्ही दर दिवाळीत या चौकामधल्या एका टेकडीवर जात असे.चहा कॉफीची टपरी टाईप एक हॉटेल होतं, जिजाई गार्डन नावाचं. तिथे कॉफी घ्यायची, टेकडीवरून संपूर्ण पुण्याची रौषणाई, फटाके बघायचे. हरवलं सगळं ते आता.”
दुसरा म्हणाला,”अश्रू अनावर झाले. माझे वडील ९०च्या दशकात सायकलने बोपोडीहून एनडीएला कामाला जात होते. किती कष्ट केले आमच्यासाठी”
तिसरा म्हणाला, “नशिबवान आहोत आम्ही, पुण्याचं हे रूप स्वत: पाहिलयं”
