Video : बिअर जिंकण्यासाठी नवरे बायकोला घेतात पाठीवर अन् धावतात रस्त्यावर, त्या स्पर्धेचा व्हिडीओ व्हायरल

गतवर्षी जुलै महिन्यात फिनलॅंडमध्ये वर्ल्ड वाइफ कॅरिंग चॅम्पियनशिपचे आयोजन करण्यात आले होते. फिनलॅंडच्या सोनकाजार्वी कस्बा येथे या स्पर्धेचे आयोजन करण्यात आले असल्याचं बोललं जात आहे. या स्पर्धेचा व्हिडीओ सोशल मीडियावर तुफान व्हायरल होत असून हजारो नेटकऱ्यांचं लक्ष वेधून घेत आहे. मेट्रो वेबसाईटच्या रिपोर्टनुसार, फिनलॅंडच्या सोनकाजार्वी कस्बा येथे गेल्या वर्षी जुलै महिन्यात या स्पर्धेचं आयोजन करण्यात आलं होतं. नवरा बायकोला पाठीवर घेऊन रेस पूर्ण करण्याचा प्रयत्न करत असतो. १९९२ मध्ये या स्पर्धेला सुरुवात झाली, असंही म्हटलं जात आहे.

नक्की वाचा – Video: सासरी जाताच नवरीने पहिला रील बनवला, वऱ्हाड्यांसमोरच ‘पतली कमरीया’वर थिरकली अन्…

इथे पाह व्हिडीओ

या स्पर्धेसाठी पतीचं वय १७ वर्षांपासून अधिक असलं पाहिजे. तसंच वजन कमीत कमी ४९ किलो असलं पाहिजे. जर पत्नीचं वजन कमी असेल, तर तिच्या पाठीवर वजन बांधण्यात येतं. या भन्नाट स्पर्धेचं बक्षिसही वेगळं आहे. नवऱ्याने स्पर्धा जिंकल्यावर बायकोच्या वजनाएवढी बिअरची बाटली बक्षिस म्हणून देण्यात येते, असं बोललं जात आहे. ही स्पर्धा फक्त फिनलॅंडमध्येच होत नाही, तर ऑस्ट्रेलिया, ब्रिटेन, अमेरिका, जर्मनीसारख्या अन्य देशांमध्ये लोकप्रिय आहे. या स्पर्धेचा व्हिडीओ इनसायडर इंटरनॅशनल नावाच्या ट्वीटर हॅंडलवर शेअर करण्यात आला आहे.