घरी बनवलेल्या मटणावरून झालं नवरा बायकोच भांडण; शेजारी मिटवायला आले अन् जे झालं ते भयंकर…

मटण बनवण्यावरून झाले भांडण

ही घटना मध्य प्रदेशातील भोपाळमधील आहे. मीडिया रिपोर्ट्सनुसार, भोपाळच्या बिलखिरियामध्ये पप्पू नावाचा व्यक्ती त्याची पत्नीसोबत भांडत होता. मटण बनवण्यावरून या दोघांमध्ये हे भांडण झाले. असे सांगितले जात आहे की, मंगळवार, १८ ऑक्टोबर रोजी पप्पूने घरी मटण बनवण्यास सुरुवात केली. यावर पत्नीला राग आला आणि मंगळवारचा दिवस असल्याने ती त्याला थांबवू लागली.

( हे ही वाचा: चक्क ‘बजरंगी’ हनुमान यांना पाठवली पाण्याची नोटीस; आता बिल नेमकं भरणार कोण? जाणून घ्या नेमकं प्रकरण)

नवऱ्याला शांत करायला शेजारी आले

मंगळवारी मटण करण्यास वारंवार थांबवूनही नवरा राजी न झाल्याने बायकोने त्याच्याशी हाणामारी केली आणि दोघांमध्ये कडाक्याचे भांडण झाले. यानंतर पतीने पत्नीला मारहाण करण्यास सुरुवात केली. पत्नीचा आरडाओरडा ऐकून शेजारी राहणारा बल्लू दोघांमधील भांडण थांबवण्यासाठी पोहोचला. पण त्याला हे माहीत नव्हते की या दोघांच्या मध्ये पडणे त्याच्यासाठी इतके हानिकारक ठरेल की त्याला आपला जीव गमवावा लागेल. 

भांडण मिटवण्यासाठी खरं तर तो गेला होता मात्र नवऱ्यासोबत भांडण झाले आणि नंतर तो घरी आला. मात्र काही वेळाने महिलेचा पती काठी घेऊन शेजारील बल्लूच्या घरी गेला आणि त्याच्यावर जबरदस्त हल्ला केला. डोक्याला मार लागल्याने बल्लू जागीच जखमी झाला आणि काही वेळातच त्याचा मृत्यू झाला. यानंतर पत्नीने पोलिसात तक्रार केल्यानंतर आरोपी नवऱ्याला पकडण्यात आले.