महाराष्ट्रातील ‘या’ शहरात १० हजार रुपये लिटरने विकले जात आहे गाढवाचे दूध, खरेदी करणाऱ्यांची लागलीये लाइन

महाराष्ट्रातील ‘या’ शहरातील प्रकरण

मीडिया रिपोर्ट्सनुसार, महाराष्ट्रातील हिंगोलीमध्ये गाढवाच्या दुधाची मोठ्या प्रमाणात विक्री होत आहे. सुरुवातीला त्याची किंमत कमी होती, पण हे दुध प्यायल्याने रोगप्रतिकारक शक्ती वाढते, असा दावा दूध विक्रेत्यांनी केला. यासोबतच हे करोना व्हायरसविरुद्धच्या लढाईतही खूप प्रभावी आहे असं सांगितलं जाऊ लागलं. म्हणूनच या दूध खरेदीसाठी नागरिकांची मोठी गर्दी होत आहे. याशिवाय प्रत्येक लिटरमागे लोकांकडून १० हजारांहून अधिक रुपये घेतले जात आहेत.

( हे ही वाचा: Viral Video: कालव्याच्या काठावर उभं राहून ही तरुणी घेत होती सेल्फी, आणि मग… )

मुलांना न्यूमोनिया होणार नाही?

त्याचबरोबर अनेकजण रस्त्यावर फिरून गाढवाचे दूध विकत आहेत. त्याचवेळी ‘एक चमचा दूध प्या आणि सर्व प्रकारच्या रोगांपासून मुक्ती मिळवा’ असा बुलंद आवाजही देत आहे. हे दूध एखाद्या व्यक्तीने आपल्या मुलाला पाजल्यास त्याला न्यूमोनिया होणार नाही, असा दावा दूध विक्रेत्यांनी केला. याशिवाय खोकला, सर्दी, ताप आदींपासूनही संरक्षण मिळेल असही ते म्हणत आहेत.

(हे ही वाचा: पाठवणीच्या वेळी ‘गाड़ी वाला आया घर से कचरा निकाल’ गाण्यावर नवरीने केला जोरदार डान्स; बघा Viral Video )

एका चमच्यासाठी १०० रुपये

गाढवाच्या दुधाचा दर १० हजार रुपये प्रतिलिटर असल्याने प्रत्येकाला ते विकत घेता येत नसल्याचे विक्रेत्यांचे म्हणणे आहे. यामुळे तो एक चमचा दूधही विकत आहे, ज्याची किंमत तब्बल १०० रुपये आहे. त्यांनी सांगितले की, गाढवाच्या दुधात अनेक पोषक तत्व असतात, त्यामुळे ते लहान मुलांवर तसेच प्रौढांसाठीही प्रभावी ठरते. या दाव्याची अनेकांना चांगलीच किंमत मोजावी लागत आहे.

( हे ही वाचा: नवीन वर्षात राहु बदलणार ‘या’ ४ राशींचे नशीब, आर्थिक स्थितीत होऊ शकते कमालीची सुधारणा )

डॉक्टरांनी काय सांगितले?

दुसरीकडे, डॉक्टरांनी हा सिद्धांत नाकारला आहे. ते म्हणाले की, जर एखाद्याला करोना झाला असेल, तर त्याने त्वरित वैद्यकीय सल्ला घ्यावा. जर तो गाढवाच्या दुधाच्या मागे पडला तर ते त्याच्या आरोग्यासाठी घातक ठरू शकते. यासाठी एवढा पैसा खर्च करू नये, असे आवाहनही त्यांनी जनतेला केले आहे.