महिलांवरील अत्याचारांच्या घटना दिवसेंदिवस वाढत असल्याने हा चिंतेचा विषय ठरत आहे. महिलांची दिवसा छेडछाड केल्याचे, गैरवर्तन केल्याचे प्रकार घडत आहे. अनेकदा अशा घटनांचे व्हिडीओ सोशल मीडियावर व्हायरल होतात जे अत्यंत धक्कादायक असतात. नुकतीच उत्तर प्रदेशमध्ये तरुणांच्या जमावाने रस्त्यावर साचलेल्या पाण्यातून जाणाऱ्या दुचाकीवरील महिलेच्या अंगावर पाणी उडवून छेड काढल्याची धक्कादायक घडली. या घटनेचा व्हिडिओ सोशल मीडियावर व्हायरल झाला. दरम्यान अशाच प्रकारे महिलेसह गैरवर्तन करणाऱ्या वृद्धाचा धक्कादायक व्हिडिओ आता समोर आला आहे. वृद्धाचे संतापजनक कृत्य पाहून नेटकऱ्यांनी प्रचंड संताप व्यक्त केला आहे.
भरदिवसा वृद्धाचे संतापजनक कृत्य
व्हायरल व्हिडिओ एका दुकानातील असल्याचे दिसते. दुकानाच्या सीसीटिव्ही फुटेजमध्ये खरेदी करण्यासाठी काही ग्राहक उभे असल्याचे दिसते. दरम्यान एका महिलेच्या जवळ उभा असलेल्या वृद्ध व्यक्तीचे कृत्य पाहून नेटकऱ्यांना धक्का बसला आहे. व्हिडीओमध्ये स्पष्ट पणे दिसत आहे की, महिला खरेदी करण्यात व्यस्त आहे आणि वृद्ध व्यक्ती तिच्या केसांना हात लावण्याचा प्रयत्न करतो. त्यानंतर महिलेच्या केसांचा वास घेण्याचा प्रयत्न करतो. वृद्ध व्यक्तीचे कृत्य पाहून नेटकऱ्यांना धक्का बसला आहे.
हेही वाचा – Video: भयावह! भरदिवसा तरुणांच्या जमावाने काढली महिलेची छेड; अंगावर उडवले पाणी, दुचाकी ओढून पाण्यात पाडले
वृद्धाचे कृत्य पाहून नेटकऱ्यांचा संतापन अनावर
हा व्हिडिओ एक्सवर Ghar Ke Kalesh नावाच्या पेजवर पोस्ट करण्यात आला आहे. व्हिडिओ पोस्ट करताना कॅप्शनमध्ये लिहिले आहे की,”उत्तर प्रदेश बिसौली येथील एका वृद्धाने दिवसाढवळ्या एका मुलीची छेड काढल्याची घटना” व्हायरल व्हिडिओ पाहून नेटकऱ्यांचा राग अनावर होत आहे. अनेकांनी कमेंट करून रोष व्यक्त केला. व्हायरल व्हिडीओवर कमेंट करताना एकाने लिहिले की,”माझ्या मते वयानुसार काही पुरुषांमध्ये विकृत स्वभाव वाढतो. अनेक वृद्धांना असे करताना पाहिले आहे.” दुसरा म्हणाला, “हा म्हातारा एका महिलेशी गैरवर्तन करतो, त्याला लाज वाटत नाही” तिसरा म्हणाला की, “सर्वत्र विकृत! तुम्ही स्त्री किंवा पुरुष असलात तरी काही फरक पडत नाही, तुमच्यावर लैंगिक अत्याचार होईल! आशा आहे की या विकृत व्यक्तीलाला अटक झाली असेल”
