Video: इथे कोहलीने शतक लगावताच तिथे आजोबांनी… IND vs AFG नंतरचा सर्वात सुंदर क्षण पाहा

आपण व्हिडीओमध्ये पाहू शकता की शतकी खेळीनंतर आनंद साजरा करताना विराट प्रेक्षकांकडे बॅट फिरवून आभार मानत आहे तर त्याच्या अगदी मागेच एक क्रिकेटप्रेमी ज्येष्ठ नागरिक खाली वाकून विराटला नमस्कार करत आहेत. खरंतर विराटचं त्यांच्याकडे लक्ष गेलं नाही पण अगदी निरागस असा हा क्षण पाहून नेटकरी सुद्धा भावुक झाले आहेत. विराटला ट्रोल करणाऱ्यांमध्ये हे एक आजोबा त्यांच्या इवल्याश्या कृतीने आभाळाएवढं कौतुक माजी कर्णधाराच्या पदरी टाकून गेले आहेत.

पाहा व्हायरल व्हिडीओ

“मग मी काय बाहेर बसू का?”, पत्रकाराने विराट कोहलीसंबंधी प्रश्न विचारताच के एल राहुलचं उत्तर, म्हणाला “तो सलामीला…”

स्पर्धेतील भारताच्या अंतिम सामन्यासाठी रोहित शर्माला विश्रांती देण्यात आल्याने, कर्णधार केएल राहुल (41 चेंडूत 62) आणि कोहलीने सुरुवातीच्या विकेटसाठी ७६ चेंडूत ११९ धावांची भागीदारी केली. कोहलीने डावाच्या अखेरीस अफगाणी गोलंदाजांना अक्षरशः जेरीस आणले. तर दुसरीकडे दुखापतीतून पुनरागमन केल्यापासून राहुलची खेळी ही त्याच्यासाठी सर्वात महत्त्वाची ठरली.

कव्हर ड्राइव्ह, पूल आणि फ्लिक यांसारख्या फटक्यांचा नजराणा पेश करताना कोहलीने ६१ चेंडूंत १२ चौकार आणि सहा षटकारांच्या साहाय्याने नाबाद १२२ धावांची खेळी केली. नोव्हेंबर, २०१९ पासून (बांगलादेशविरुद्धच्या कसोटीत १३६ धावा) हे त्याचे पहिले शतक ठरले.