Independence Day Speech: १५ ऑगस्टला भाषणासाठी तयारी करताय? मग फॉलो करा ‘या’ ७ टिप्स; टाळ्यांच्या गजरात होईल कौतुक

स्वातंत्र्यदिनी भाषण करायचे आहे? मग ‘या’ गोष्टी ठेवा लक्षात

१. जर तुम्ही भाषणाची तयारी करत असाल तर सर्वांना प्रथम शुभेच्छा द्या. जर तुम्ही शाळेत किंवा कॉलेजमध्ये भाषण देत असाल तर भाषणाच्या सुरुवातीला उपस्थित पाहुणे, मुख्याध्यापक, शिक्षक तसेच उपस्थित विद्यार्थ्यांना शुभेच्छा द्या.

२. स्वातंत्र्यदिनाच्या शुभेच्छा दिल्यानंतर आपली स्वत:ची ओळख देखील करून द्या. परंतु ही ओळख सोप्या शब्दांत आणि अगदी लहान असू द्या.

३. यानंतर तुमच्या भाषणाला सुरुवात करा. तुम्हाला भारताच्या इतिहासाची माहिती असायला हवी. स्वातंत्र्य दिनावर प्रकाश टाका आणि यावेळी आपण कोणता स्वातंत्र्य दिन साजरा करत आहोत ते ही सांगा.

४. स्वातंत्र्यदिनाचे भाषण छोटे व मुद्याला धरून असले पाहिजे. प्रेक्षकांना समजण्यास सोपे असावे तसेच भाषणात प्रभावी वाक्यांचा वापर करा. 

५. तुमच्या भाषणाला कथेचं स्वरुप द्या. ते करताना तुमच्या आवाजात भावनांचा चढउतार येऊ द्या. तुमच्या भाषणातील मुद्दे तथ्य आधारित मांडा. तारखा, नावे आणि प्रसंग अशा गोष्टींचा उल्लेख करा.

६. भाषणादरम्यान तुम्ही त्यात योग्य वाटणाऱ्या कविता आणि शायरीही म्हणू शकता. यामुळे तुमच्या बोलण्यात रस वाढेल आणि लोक तुमचं भाषणं अत्यंत लक्षपूर्वक ऐकतील.

७. भाषणाच्या शेवटी उपस्थित सर्वांचे आभार माना. आभार व्यक्त करताना तुम्ही कविता किंवा चारोळीही सांगू शकता. यामुळे भाषणाचा शेवट आणखीन दमदार होईल.

अशाप्रकारे वरिल सर्व मुद्दे लक्षात घेऊन तुम्ही यंदाच्या १५ ऑगस्टला खणखणीत भाषण देऊ शकता.