Video : मैदानात असे केले विराटने चाहत्यांना खुश

ब्रिसबेनच्या गाबा स्टेडियममध्ये सुरु असलेल्या या सामन्या दरम्यान भारतीय क्रिकेटप्रेमींचे विराटविषयी असणारे प्रेम दिसून आले. भारतीय संघाने नाणेफेक जिंकून आधी गोलंदाजी करण्याच ठरवले. भारतीय संघ जसा मैदानावर पोहोचला तसे चाहत्यांनी त्यांना प्रोत्साहन देण्यास सुरुवात केली. यावेळी विराट कोहलीनेही आपल्या फॅन्सकडे पाहून हात हलवून त्यांना अभिवादन केले. मग तो आपल्या फॅन्सला भेटायलाही त्यांच्याजवळ गेला. तेव्हा त्याची सही घेण्यासाठी आणि त्याच्यासोबत फोटो काढण्यासाठी भारतीय क्रिकेटप्रेमींनी एकच गर्दी केली. यावेळी एक तरुणी तर त्याला पाहून अक्षरश: वेडी झाली होती. त्याला पाहून ती आनंदाने नाचत असल्याचे या व्हिडियोमध्ये दिसत आहे.

या सामन्यात ऑस्ट्रेलियाने ४ धावांनी विजय मिळवला. पावसामुळे १७ षटकांच्या करण्यात आलेल्या सामन्यात ऑस्ट्रेलियाने ४ बाद १५८ धावा केल्या होत्या. मात्र डकवर्थ लुईस नियमानुसार भारताला १७ षटकात १७४ धावांचे आव्हान देण्यात आले. सलामीवीर शिखर धवनचे अर्धशतक (७६) आणि अनुभवी दिनेश कार्तिकच्या ३० धावांच्या खेळीनंतरही भारताने सामना जिंकता आला नाही. त्यामुळे ऑस्ट्रेलियाने मालिकेत १-० अशी आघाडी घेतली.