India Vs Australia World Cup Final: भारत आणि ऑस्ट्रेलिया यांच्यात वर्ल्ड कप २०२३ चा अंतिम सामना सुरु झाला आहे. आज प्रत्येक क्रिकेटप्रेमी हा टीव्हीसमोर चिटकून बसला आहे. भारताला मोठा झटका, कर्णधार रोहित शर्मा शुबमन, श्रेयस आउट हे बाद झाले आहेत. पहिल्या ३ विकेट्स झटपट गेल्यानंतर विराट कोहली आणि के.एल. राहुल यांनी भारताचा डाव सावरला. दरम्यान या विकेट्सनंतर सोशल मीडियावर तुफान मीम्स व्हायरल झाले आहेत.
काहीही झालं किंवा एखादी घटना घडली की त्यावर मीम्स व्हायरल होतात. त्यात जर वर्ल्डकप असेल आणि मीम्स व्हायरल झाले नाहीत, असं होऊच शकणार नाही. त्यामुळे आता सोशल मीडियावर काही जबरदस्त मीम्सही व्हायरल होत आहेत. चला तर मग विश्वचषक फायनलच्या या उत्साहादरम्यान, सोशल मीडियावर व्हायरल होणारे मीम्स पाहुयात..
टीम इंडियाच्या विकेट पडल्यानंतर चाहत्यांनी आता प्रार्थना करायला सुरुवात केली आहे. नेटकरी म्हणतात आता आपल्याकडे हनुमान चालिसाचं पठण करण्याशिवाय काही एक पर्याय उरलेला नाहीये. तर त्यावर अनेकांनी कमेंट केल्या आहे की भावा थांब ही तर फक्त सुरुवात आहे.
या मीममध्ये तर नेटकऱ्यांनी अॅलेक्साला हनुमान चालिसा लाव असं सांगितलं आहे. नेटकऱ्यांनी सामना सुरु होताच, वेगवेगळी मीम्स व्हायरल केले आहे. नेटकऱ्यांकडून या मीम्सला चांगला प्रतिसाद मिळत आहे.
सोशल मीडिया यूजर्स या सामन्याला २००३ मध्ये झालेल्या वर्ल्ड कप फायनलशी जोडत आहेत. २००३ च्या फायनलमध्ये झालेल्या दारुण पराभवाचा बदला भारत नक्कीच घेईल, हे मीम चांगलंच व्हायरल होत आहे.
यासारखे अनेक मीम्स सोशल मीडियावर सध्या व्हायरल होत आहेत. हे मीम्स बघून तुम्हीही पोट धरुन हसाल.
