भारत विरुद्ध पाकिस्तान सामन्यात भारताचा दणदणीत विजय झाला आहे. सलग आठव्यांदा भारताने पाकिस्तानला मात देऊन विश्वचषकातील आपली विजयी घोडदौड कायम ठेवली आहे. भारत-पाकिस्तान सामना नेटकऱ्यांना चर्चेसाठी अनेक मुद्दे देणारा ठरला. यामध्ये हार्दिक पांड्याने बॉलशी साधलेला संवाद मोठ्या प्रमाणात नेटकऱ्यांच्या चर्चेचा मुद्दा ठरला. पण मुंबई पोलिसांनीही हार्दिक पांड्याचा आणखी एक व्हिडीओ शेअर करत नेहमीप्रमाणे वाहतुकींच्या नियमांचे पालन करण्याचे आवाहन केले आहे.

मुंबई पोलिसांनी हार्दिकने बॉलशी संवाद साधल्याचा फोटो, व्हिडीओ नव्हे तर शनिवारी भारताने पाकिस्तानवर विजय मिळविल्यानंतर, पांड्याने मुलाखतकार म्हणून उत्स्फूर्त भूमिका घेतली होती. यावेळी तो सहकारी खेळाडू रवींद्र जडेजाची मुलाखत घेण्यासाठी गेला होता. यावेळी जडेजा फोनवर बोलत असल्याचं पांड्याला दिसला. म्हणून यावेळी पांड्याने जडेजाला मजेशीर पद्धतीने फोन ठेवायला सांगितलं त्याचा व्हिडीओ मुंबई पोलिसांनी शेअर केला आहे.

आणखी वाचा
Victim Aryan Mishra
Aryan Mishra Murder: आर्यन मिश्राला गोरक्षकांनी गोळ्या झाडून मारलं; वडील म्हणाले, “आम्ही पंडित आहोत…”
aarya jadhao reacts on bigg boss marathi show is scripted
Bigg Boss हा शो स्क्रिप्टेड असतो का? घराबाहेर गेलेल्या आर्याने सांगितलं सत्य, म्हणाली…
Vasind police station, three employees Suspension,
वासिंद पोलीस ठाण्यातील तीन कर्मचाऱ्याचे निलंबन, तरुणाच्या मृत्यूनंतर ठाणे ग्रामीण पोलिसांची कारवाई
case against three in mumbai for kidnapping tailor
मुंबई: ‘डिझाइन’चोरल्याच्या संशयावरून मारहाण, एक लाखांची खंडणी मागितल्याचा आरोप
divorced woman commits suicide by jumping from building balcony in kalyan
कल्याणमध्ये घटस्फोटीत महिलेची इमारतीच्या गॅलरीमधून उडी मारून आत्महत्या
leopard attacks in shirur woman dies in leopard attacks in Jambut
शिरुरमध्ये बिबट्यांचे हल्ले; जांबूतमध्ये महिलेचा मृत्यू, कान्हूर मेसाई गावात एकजण जखमी
Bajaj Finance officials beaten up by borrowers in Kanchengaon in Dombivli
डोंबिवलीतील कांचनगावमध्ये बजाज फायनान्सच्या अधिकाऱ्यांना कर्जदारांकडून मारहाण
Accused of robbery gold bank arrested goods worth seven and a half lakhs seized
सोन्याची पेढी लुटणाऱ्या आरोपींना अटक, साडेसात लाखांचा मुद्देमाल हस्तगत

हेही वाचा- एक फोन आला अन् बँक खात्यातून ८२ हजार रुपये गायब, पोलिसाबरोबर घडला विचित्र प्रकार

पांड्या म्हणाला “फोन काप्पो”

मुंबई पोलिसांनी शेअर केलेल्या व्हिडीओमध्ये रवींद्र जडेजा फोनवर बोलताना दिसत आहे. यावेळी पांड्या त्याच्याकडे जाण्याचा प्रयत्न करतो आणि त्याला “फोन पे है, तो फोन काप्पो” असं म्हणतो. (फोन काप्पोचा अर्थ फोन कट कर असा होतो.) म्हणजे पांड्या जडेजाला फोन ठेव असं सांगण्याचा प्रयत्न करतो. या दोघांमधील संवादाचा व्हिडीओ सोशल मीडियावर व्हायरल होताच मुंबई पोलिसांनी नेहमीप्रमाणे लोकांना व्हिडीओतून एक मेसेज देण्याचा प्रयत्न केला.

मुंबई पोलिसांनी या व्हायरल व्हिडीओचा संबंध रस्ता सुरक्षेशी जोडला आहे. मुंबई पोलिसांनी या घटनेचा व्हिडिओ त्यांच्या इन्स्टाग्राम अकाऊंटवर शेअर करताना कॅप्शनमध्ये लिहिलं, “जेव्हा आम्ही तुम्हाला गाडी चालवताना फोनवर बोलताना पाहतो” या व्हिडीओतून मुंबई पोलिसांनी गाडी चालवताना फोनवर बोलू नका असं सांगण्याचा प्रयत्न केला आहे. तर पोलिसांचा नागरिकांमध्ये वाहतुकीच्या नियमांबाबत जनजागृती करण्याचा अनोखा अंदाज नेटकऱ्यांना आवडल्याचं पाहायला मिळत आहे.

आतापर्यंत हा व्हिडीओ २९ हजारांहून अधिक लोकांनी लाईक केला आहे. तर नेटकरी या व्हिडीओवर मजेशीर आणि पोलिसांच्या क्रिएटिव्हिटीचं कौतुक करणाऱ्या प्रतिक्रिया देताना दिसत आहेत. एका युजरने लिहिलं, “मी मुंबई पोलिसांच्या क्रिएटिव्हिटीचा मोठा फॅन आहे, ते नेहमीच व्हायरल गोष्टींमधून लोकांना चांगला मेसेज देण्याचा प्रयत्न करतात.”