भारतीय क्रिकेट संघाचा यष्टीरक्षक ऋषभ पंत एका जाहिरातीमुळे टीकेचा धनी ठरला आहे. ऋषभ पंतने ड्रीम ११ साठी केलेल्या जाहिरातीवर गायक, संगीतकारांनी टीका केली असून हा शास्त्रीय संगीताचा अपमान असल्याचं म्हटलं आहे. शास्त्रीय गायिका कौशिकी चक्रवर्ती, सतारवादक पूरबायन चॅटर्जी यांनी ट्वीट करत आपली नाराजी जाहीर केली आहे. टी-२० विश्वचषक २०२२ दरम्यान ही जाहिरात प्रसिद्ध करण्यात आली होती.

ड्रीम ११ च्या या जाहिरातीमध्ये ऋषभ पंतला शास्त्रीय गायक दाखवत खिल्ली उडवण्यात आली आहे. “नशीब मी माझ्या स्वप्नाचा पाठलाग केला,” असं ऋषभ या जाहिरातीत म्हणत आहे.

आणखी वाचा
Morne Morkel Favourite Indian Food
Morne Morkel : टीम इंडियाच्या मॉर्केल गुरुजींना कोणते भारतीय पदार्थ आवडतात? पाहा VIDEO
What Sharad Pawar Said About Ladki Bahin Yojana
Sharad Pawar : “लाडकी बहीण योजनेमुळे महायुतीचं राज्य…
OpenAI launch o1 and o1 mini
OpenAI कडून नवीन एआय मॉडेल्स लाँच; स्पर्धा परीक्षांसाठी ठरणार उपयुक्त; जाणून घ्या वैशिष्ट्ये
docudrama Mai, documentaries, documentary,
आम्ही डॉक्युमेण्ट्रीवाले : आकाशपाळण्यातील धाडस..
morality Act to impose restrictions on women by the Taliban government of Afghanistan
संपूर्ण शरीर झाकणारा पोशाख… मोठ्या आवाजात बोलणे नाही, गाणी नाही… महिलांसाठी अफगाण नैतिकता कायद्यातील अजब तरतुदी! 
MS Dhoni opened up about his bond with Virat
MS Dhoni : ‘वयाचा फरक असला तरी, मी त्याचा…’, विराटबरोबरच्या नात्याबद्दल माही पहिल्यांदाच झाला व्यक्त, VIDEO व्हायरल
documentary making, Abhijit Kolhatkar, Shilpa Godbole, producer director duo, documentary, Urdu ghazal, Shashikala Shirgopikar, Reverb Production, passion project, artistic journey
आम्ही डॉक्युमेण्ट्रीवाले : अद्यायावतीकरणाचा उद्योग…
Bollywood actress Kriti Sanon like do you also feel not wanting people around if your mood is off
क्रिती सेनॉनप्रमाणे तुम्हालाही मूड ऑफ असेल तेव्हा लोक जवळ नको असतात? जाणून घ्या, भावनिकदृष्ट्या स्वत:ची काळजी कशी घ्यावी?

कौशिकी यांनी ट्विट करत ऋषभ पंतवर टीका केली असून, भारतीय शास्त्रीय संगीताचा अपमान करुन प्रसिद्धी मिळवत असल्याचं म्हटलं आहे. “या जाहिरातीमधील गलिच्छपणा व्यक्त करण्यासाठी माझ्याकडे शब्द नाहीत. आपल्या वारशाचा अनादर केल्याने तू मूर्ख दिसत आहेत,” असं त्यांनी म्हटलं आहे.

“हे पंडित रवी शंकर, उस्ताद झाकीर हुसेन, पंडित भीमसेन जोशी यांचं संगीत आहे. हे करुन तुला प्रसिद्धी मिळत आहे याची मला खात्री आहे, पण हे योग्य आहे का?,” अशी विचारणा त्यांनी केली आहे.

“मी भारतीय शास्त्रीय संगीताचा सराव करते. मी क्रिकेट पाहत नाही, पण कधीही तुमच्या खेळाचा अपमान केलेला नाही. जेव्हा तुम्हाला एखादी गोष्ट समजून घेण्याचे प्रशिक्षण दिलेले नसेल तेव्हा किमान त्याबद्दल आदर बाळगण्याइतके समजूतदार व्हा. आपल्या वारशाचा अपमान केल्याने तुम्ही मूर्ख दिसत आहात,” असं कौशिकी यांनी म्हटलं आहे.

सतारवादक पूरबायन चॅटर्जी यांनी निवेदन प्रसिद्ध केलं असून त्यात म्हटलं आहे की “जाहिरातीत भारतीय शास्त्रीय संगीताला हास्यास्पद आणि किंचित अपमानास्पद पद्धतीने दर्शवण्यात आलं आहे. हे पहिल्यांदाच झालेलं नाही, पण हे पाहून मला धक्का बसला आहे. यासाठी माफ केलं जाऊ शकत नाही. हा एक महान संगीत कला प्रकार आहे, ज्याचा जगभरात आदर आणि आदर केला जातो. सचिन तेंडुलकर, सुनील गावस्कर यांसारखे दिग्गज या कलाप्रकाराचे उत्तम समर्थक आहेत”.