IND Vs PAK: सध्या सर्वत्र भारत आणि पाकिस्तान यांच्यादरम्यानच्या सामन्याची चर्चा रंगली आहे. भारत आणि पाकिस्तान यांच्यातील सामना आज १४ ऑक्टोबर रोजी अहमदाबादला नरेंद्र मोदी स्टेडियममध्ये खेळवण्यात येत आहे. या सामन्यासाठी खेळाडूंसोबत चाहतेसुद्धा खूप उत्सुक आहेत. तर यादरम्यान एक मजेशीर व्हिडीओ व्हायरल होत आहे. त्यात पाकिस्तानी चाचा या नावाने ओळखले जाणारे काका भारतीय चाहत्यांसमोर घोषणा करण्यास सुरुवात करतात. हे ऐकून भारतीय प्रेक्षक त्यांची फिरकी घेतात.
पाकिस्तानी चाचा या नावाने ओळखले जाणारे काका भारत आणि पाकिस्तान यांच्यातील सामना पाहण्यासाठी अहमदाबादला पोहोचले आहेत. सामन्यापूर्वी नरेंद्र मोदी स्टेडियमबाहेर त्यांना भारतीय प्रेक्षकांची गर्दी दिसली आणि त्यांनी घोषणा करण्यास सुरुवात केली. व्हिडीओत ते म्हणतात की, जीतेगा भाई जीतेगा… त्यांची ही घोषणा पूर्ण होण्याआधीच सर्व भारतीय प्रेक्षक इंडिया जिंकणार (इंडिया जीतेगा) असे एका सूरात म्हणताना दिसत आहेत. हे ऐकताच पाकिस्तानी चाचा स्वतःच्या डोक्यावर हात मारतात. भारतीय प्रेक्षकांनी कशा प्रकारे पाकिस्तानी चाचाची फिरकी घेतली एकदा तुम्हीसुद्धा व्हिडीओतून बघाच…
हेही वाचा… लाल साडीतील तरुणीचा डान्स पाहून…गौतमी पाटीललादेखील विसरून जाल; VIDEO तुफान व्हायरल
व्हिडीओ नक्की बघा :
भारतीय चाहत्यांनी घेतली फिरकी :
पाकिस्तानी संघाचे सर्वांत मोठे समर्थक म्हणून बशीर चाचा यांना पाकिस्तानी चाचा नावाने ओळखले जाते. नरेंद्र मोदी स्टेडियमबाहेर पाकिस्तानी काकांना भारतीय प्रेक्षकांची गर्दी दिसते आणि मग ते घोषणा करण्यास सुरुवात करतात. पण, त्यांची घोषणा पूर्ण होण्याआधीच भारतीय प्रेक्षक प्रत्युत्तर देऊन घोषणा पूर्ण करतात. पाकिस्तानी काका अनोखा पोशाख परिधान करून हातात झेंडा घेऊन उभे आहेत. भारतीय प्रेक्षकांना पाहून काका घोषणा करण्यास सुरुवात करतात. ‘जीतेगा भाई जीतेगा’ असे त्यांनी म्हणताच सर्व भारतीय प्रेक्षक इंडिया जिंकणार, असे म्हणून त्यांची फिरकी घेतात.
सोशल मीडियावर हा व्हिडीओ @purvanchal51 या इन्स्टाग्राम अकाउंटवरून शेअर करण्यात आला आहे. तसेच “पाकिस्तानी चाचाने दिली ‘जीतेगा भाई जीतेगा’ची घोषणा” अशी कॅप्शन या व्हिडीओला देण्यात आली आहे. व्हायरल व्हिडीओ पाहून नरेंद्र मोदी स्टेडियमबाहेर पाकिस्तानी चाचा आणि भारतीय प्रेक्षकांमध्ये आगळावेगळा सामना रंगला आहे, असे म्हणायला हरकत नाही.
