आपल्या ग्रुपमध्ये एक तरी दोस्त असा असतोच ज्याच्या लग्नाची ग्रुपमधले सगळेच आतुरतेने वाट पाहत असतात. भले आपले लग्न ठरो अगर न ठरो पण त्याच्या लग्नाला मात्र धम्माल करायची, ‘याचं लग्न एकदम गाजवून सोडायचं’, ‘अरे आपल्या जिगरी यारचं लग्न आहे बाबा सा-या जगाला कळलं पाहिजे’ असे एक एकापेक्षा एक सरस प्लान सुरू होतात.
वाचा : गूगलचा ‘स्टार कर्मचारी’ आता झाला ‘शत्रू नंबर १’
VIDEO: रेल्वे ट्रॅकवर सायकल चालवणाऱ्या महामानवांना अॅक्सिडंटपासून कसं वाचवाल?
मग हळदीला किंवा वरातीला असा कल्ला करायचा की आजूबाजूचे लोक बघतच बसले पाहिजे. हीच तर खरी गंमत असते आपल्या इथल्या लग्नाची. मित्र नाही तर लग्नाला मज्जा नाही, आणि दोस्ताच्या वरातीत मित्रांनी नाचून धुमाकुळ घातला नाही तर ती वरात कसली? बरोबर ना ? म्हणूनच सोशल मीडियावर सध्या बॅचलर्स आणि ज्यांचं लग्न होणार आहे अशा सगळ्यांना व्हायरल झालेला हा व्हिडिओ खूपच आवडतो आहे.
‘द बॅक बेन्चर’ या फेसबुक अकाऊंवरून हा व्हिडिओ शेअर करण्यात आला आहे. दोन मिनिटांचा हा व्हिडिओ सोशल मीडियावर तूफान व्हायरल होत आहे. ‘जर तुमच्या लग्नात मित्र असे नाचले नाही तर ते तुमचे जिवलग मित्र नसतील’ अशी ओळ लिहून हा व्हिडिओ शेअर करताना दिसत आहे. स्टेजवर नवविवाहित जोडपे उभे आहे एवढ्यात नवरदेवाचे जिवलग मित्र स्टेजवर येतात आणि जो काही कल्ला करतात तो मात्र पाहण्यासारखा आहे, आता आपल्या मित्रांना नाचताना पाहून नवरदेवांना नाचण्याचा मोह झाला नाही तर नवलच. या आठवड्यात अपलोड केलेला हा व्हिडिओ आतापर्यंत ३७ लाख लोकांना पाहिला आहे.
