Railway Station Viral Video: माणसाचे पूर्वज कोण या प्रश्नावर लहानपणापासून आपण शाळा- कॉलेजमध्ये अभ्यास केला आहे. उत्क्रांतीमधून धडे घेताना कशाप्रकारे मानवाची माकडांपासून निर्मिती झाली हे आपणही जाणून असाल. म्हणूनच कदाचित आपल्या शरीरातील एका महत्त्वाच्या अवयवाचे नाव सुद्धा माकडहाड असे आहे. जसे माणसांमध्ये काही प्रमाणात माकडांचे गुण दिसून येतात तसंच माकडांमध्ये पण काही प्रमाणात मानवी बुद्धीची झलक पाहायला मिळते. अगदी अन्न शोधण्यापासून ते एखाद्या गोष्टीला प्रतिक्रिया देण्यापर्यंत अनेक बाबींमध्ये माणूस व माकड हे समसमान असल्याचे दिसते, आणि असं आम्ही नाही तर सोशल मीडियावर व्हायरल होणारे व्हिडिओच सांगत आहेत. असाच एक व्हिडीओ आपण आज पाहणार आहोत.
@The_Heavy_Locopilot या नावाच्या इंस्टाग्राम अकाउंटवर व्हायरल व्हिडीओ शेअर करण्यात आला आहे. या व्हिडिओच्या कॅप्शनमध्ये लिहिल्याप्रमाणे भारतीय रेल्वेत आता नवी भरती झाली आहे. तुम्ही बघू शकता ही भरती कुणा माणसाची नसून चक्क एका माकडाची आहे. अगदी एखाद्या बड्या साहेबाला लाजवेल अशा रुबाबात हे माकड तिकीट खिडकीवर बसले आहे. तिकीट काढण्यासाठी वापरण्यात येणाऱ्या संगणकाच्या समोर बसून हे माकड वेगाने कीबोर्डची बटणं सुद्धा दाबत आहे. बरं या सगळ्यात त्याचा अविर्भाव हुबेहूब माणसासारखा असल्याने अनेकांना याचं कुतुहूल वाटतंय. तुम्हाला खरं वाटत नसेल तर हा व्हिडीओ स्वतःच पाहा.
Video: बड्या साहेबाला लाजवेल हा माकडाचा SWAG
हे ही वाचा<< मुंबई लोकलमध्ये ‘एवढी’ जागा असते? बोरिवली ट्रेनमधील महिलांचा सुंदर Video पाहून म्हणाल, “बाईपण भारीच”
दरम्यान, हा व्हिडीओ व्हायरल झाल्यापासून यावर हजारो कमेंट्स पाहायला मिळत आहेत. काहींनी तर यावरून रेल्वेलाच टोला लगावत बघा तुमच्यापेक्षा ते माकड वेगाने काम करतंय असं म्हटलं आहे. तर काहींनी माकडांच्या हुशारीला दाद देत असं लिहिलंय की, “माकडांना सगळं माणसासारखंच समजतं फक्त कर भरायला लागू नये आणि कामावर जावं लागू नये म्हणून ते हुशारीने माकड म्हणूनच जगतात” तुम्हाला ही हुशार माकडाची गोष्ट कशी वाटली कमेंट करून नक्की कळवा.
