रेल्वे कर्मचाऱ्यांच्या गुंडगिरीचे दर्शन! स्थानकावर प्रवाशाला धक्काबुक्की अन् पट्ट्याने मारहाण; घटनेचा Video व्हायरल

विक्रेते, रेल्वे कर्मचारी व प्रवासी यांच्यात गाड्यांमध्ये अनेकदा वाद होतात; परंतु रेल्वे कर्मचारी ट्रेनमधून उतरून प्रवाशाला मारहाण करताना क्वचितच दिसले आहेत. असाच एक व्हिडीओ समाजमाध्यमावर व्हायरल होत आहे; ज्यामध्ये रेल्वे कर्मचारी प्लॅटफॉर्मवर एका व्यक्तीला मारहाण करताना दिसत आहेत.

आणखी वाचा

नवरा-बायकोतील भांडण अन् रेल्वेचे तीन कोटींचे नुकसान! OK मुळे चुकीच्या स्थानकावर पोहोचली ट्रेन; नेमकं घडलं काय? वाचा…

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

एसी ट्रेनचं तिकीट काढताय? मुंबईतल्या रेल्वे स्टेशनवरचा ‘हा’ VIDEO पाहून धडकी भरेल; पाहा नेमकं काय घडलं?

बापरे! चालकाच्या चुकीमुळे घडला मोठा अनर्थ, ट्रेन सुरू करताच झाला रेल्वे कर्मचाऱ्याचा जागीच मृत्यू, नेमकं काय घडल? पाहा VIDEO

भयंकर! वेफर्स घ्यायला प्लॅटफॉर्मवर उतरली अन् तेवढ्यात ट्रेन सुरु झाली; तरुणीनं पुढे काय केलं पाहा, VIDEO झाला व्हायरल

महाशक्तीचं स्वप्न पाहणाऱ्या देशात एवढी ‘पडझड’ का होतेय?

हद्दच झाली! मेट्रोमध्ये एका सीटसाठी महिलेने ओलांडली मर्यादा; VIDEO पाहून संतापले लोक

मुंबई लोकलमधली भांडणं आता थांबणार! या प्रवाशानं ट्रेनमध्ये बसण्यासाठी शोधला अजबच जुगाड; VIDEO एकदा पाहाच

नेमके काय घडले?

या व्हायरल होत असलेल्या व्हिडीओमध्ये प्लॅटफॉर्मवर एक व्यक्ती उभी असल्याचे दिसून येत आहे. दरम्यान, रेल्वे कर्मचाऱ्यांमधील अनेकांनी ट्रेनमधून खाली उतरून, त्या व्यक्तीला धक्काबुक्की केली. चार ते पाच रेल्वे कर्मचाऱ्यांनी मिळून त्या व्यक्तीला पट्ट्याने मारहाण केल्याचे व्हिडीओमध्ये दिसत आहे. या घटनेचा व्हिडीओ सध्या सोशल मीडियावर मोठ्या प्रमाणावर व्हायरल होत आहे.

(हे ही वाचा : Video: “साॅरी म्हणून काय होणार, माझी मुलं उकाड्यात बसली आहेत”, वंदे भारतमधील एसी बंद असल्यानं प्रवाशाचा तुफान राडा )

ती मारहाण केल्यानंतर रेल्वे कर्मचारी चालत्या ट्रेनमध्ये चढले आणि प्लॅटफॉर्मवर बसलेल्या व्यक्तीला त्यांनी धमकावले. एका प्रवाशाने रेल्वे कर्मचाऱ्यांच्या गुंडगिरीचा हा व्हिडीओ रेकॉर्ड केला; जो सध्या सोशल मीडियावर व्हायरल होत आहे. या व्हिडीओवरून लोक सरकार आणि रेल्वे मंत्रालयाची खिल्ली उडवीत आहेत.

समाजमाध्यमावर संतप्त प्रतिक्रिया

समाजमाध्यमावर व्हायरल झालेल्या या पोस्टवर अनेक नेटकऱ्यांनी आपापल्या प्रतिक्रिया व्यक्त केल्या आहेत. एकाने लिहिले, “या कर्मचाऱ्यांवर जीआरपीने तत्काळ कारवाई करावी आणि त्यांना नोकरीवरून काढून टाकावे.” दुसऱ्याने लिहिले, “हे सर्व खासगी कामगार आहेत, त्यांना काढून टाकूनही काही करता येणार नाही. त्यांच्याविरुद्ध एफआयआर नोंदवावा.”

येथे पाहा व्हिडीओ

समाजमाध्यमावर एका युजरने लिहिले, “हे प्रकरण इंदूरहून हावडा येथे जाणाऱ्या शिप्रा एक्स्प्रेसशी संबंधित आहे. त्या व्यक्तीने तिकीट काढण्याचा प्रयत्न केला; पण तिकीट न मिळाल्याने तो डब्यात चढला. त्यानंतर कर्मचाऱ्यांशी त्याची बाचाबाची झाली आणि त्यानंतर सर्व कर्मचाऱ्यांनी मिळून त्या व्यक्तीला मारहाण केली”, असे एका व्यक्तीने म्हटले आहे. तथापि, हा व्हिडीओ कुठला आहे, याची माहिती अद्याप आम्हाला मिळू शकलेली नाही.