Boy Dance In Mumbai Local Train On Gulabi Saree : सध्या सोशल मीडियावर ‘गुलाबी साडी’ हे मराठी गाणं तुफान गाजतंय, धुमाकूळ घालतंय, इन्स्टाग्रामवर मोठ्या प्रमाणात रिल्स तयार केल्या जातायत. केवळ भारतातच नाही तर परदेशातही या गाण्याची क्रेझ पाहायला मिळाली. या गाण्यावर मराठी नाही तर बॉलीवूड सेलिब्रिटीदेखील थिरकले. इतकेच नाही, जगभरातील अनेक प्रसिद्ध इन्फ्लूएंसरनादेखील या गाण्याची भुरळ पडली आहे. अशाच मुंबई लोकलमध्ये आता एक तरुण गाण्यावर डान्स करताना दिसत आहे, ज्याचा व्हिडीओ सोशल मीडियावर खूप व्हायरल होतोय. त्याची अदाकरी, भुरभुरे केस पाहून प्रवासीही घायाळ झाले.
अदाकारी आणि डान्स मूव्ह्स पाहून प्रवासी थक्क
जी मुंबई लोकल ट्रेन प्रवाशांनी नेहमी खचाखच भरलेली असते, जिथे अनेक वेळा बसायलाही जागा नसते; याच मुंबई लोकल ट्रेनमध्ये तरुण गुलाबी साडी या गाण्यावर जबरदस्त डान्स करतो. यावेळी त्याचा डान्स पाहून तिथे बसलेल्या प्रवाशांचे चेहरेही आनंदाने खुलले. त्याची अदाकारी आणि डान्स मूव्ह्स पाहून सगळेच थक्क झाले.
नोएल रॉबिन्सन या जगप्रसिद्ध कॉटेन्ट क्रिएटरने मुंबई लोकलमध्ये गुलाबी साडी गाण्यावर रील व्हिडीओ शूट केला आहे. त्याने इन्स्टाग्रामवर noelgoescrazy नावाने त्याच्या अकाउंटवरून तो पोस्ट केला आहे. या व्हिडीओमध्ये नोएल क्रिम कलरचे जॅकेट घालून प्रवाशांनी भरलेल्या लोकल ट्रेनमध्ये गुलाबी साडी गाण्यावर बेभान होऊन नाचतोय. रीलच्या सुरुवातीला तो पडण्याचे नाटक करतो, त्यानंतर त्याला एक जण सावरायला पुढे येतो, मात्र लगेच उभा राहून तो डान्स करू लागतो.
नोएलच्या जबरदस्त डान्स मूव्ह्सने वेधले सर्वांचे लक्ष
नोएलच्या जबरदस्त डान्स मूव्ह्सने आणि स्टाईलने सर्वांचे लक्ष वेधून घेतले, यावेळी मागे उभे असलेले आणि बसलेले लोकही टाळ्या वाजवून त्याला चिअर करताना दिसले. या रीलच्या शेवटी नोएल नाचता नाचता एका प्रवाशाच्या हातातून फोन खेचत मस्ती करताना दिसतोय. त्याच्या परफॉर्मन्सला अनेक प्रवाशांनी चांगलीच दाद दिली आहे.
नोएलचा हाच व्हिडीओ आता सोशल मीडियावर तुफान व्हायरल होत आहे. आत्तापर्यंत सहा कोटी लोकांनी तो पाहिला आहे, तर ३८ लाखांहून अधिक लोकांनी व्हिडीओला लाईक्स केले आहे. दरम्यान, अनेक युजर्स व्हिडीओवर भन्नाट, अतरंगी कमेंट्स करताना दिसतायत.
अलीकडे पाकिस्तानातील एक लग्नासमारंभातही गुलाबी साडी गाण्याची क्रेझ पाहायल मिळाली, जळगावच्या संजू राठोडच्या ‘गुलाबी साडी’ गाण्याला परदेशात पसंती मिळाल्याने सध्या त्याच्यावर कौतुकाचा वर्षाव करण्यात येत आहे. स्वत: संजूने या तरुणाच्या व्हिडीओची दखल घेत या व्हिडीओवर मराठी भाषेतूनच कमेंट केली आहे. “खूपच छान” असं गायकाने कमेंट्स म्हटलं आहे. तसेच इतर नेटकऱ्यांनी सुद्धा या व्हिडीओवर प्रतिक्रिया दिल्या आहेत.
