भारतीय शेफच्या जेवणावर खूश होऊन व्यावसायिकाने दिली तब्बल ८३ हजारांची टीप

युकेमधल्या ‘द इंडियन ट्री’ या हॉटेलमध्ये बाबू हे शेफ म्हणून काम करतात. खास त्यांच्या हातचे जेवायला या हॉटेलमध्ये आर्यलँडमधला एक व्यवसायिक येतो. या व्यवसायिकाला बाबूच्या हातचे जेवण एवढे आवडले की तो येथे आला की घरी जायच्या आधी हॉटेलमध्ये पोटभर जेवतो. belfastlive.co च्या माहितीनुसार त्याने बाबूच्या जेवणावर खूश होऊन त्याला ८३ हजारांची टीप देऊ केली. या व्यवसायिकाने आपले नाव मात्र सांगितले नाही. ६५०० रुपयांचे बिल देऊ केल्यानंतर त्याने बाबूला बाहेर बोलवले आणि त्याच्या जेवणासाठी टीप देण्याचे बोलून दाखवले. पण हा आकडा बिलाच्या ११ पटींहूनही अधिक होता. हा आकडा पाहून बाबूलाच काय हॉटेलच्या मालकालाही धक्का बसला पण या व्यवसायिकाने स्वखुशीने एवढी मोठी रक्क देऊ केल्याने हॉटेलने आढेवेढे न घेता ही रक्कम स्विकारली. या टीपचा फोटो सोशल मीडियावर व्हायरल होत आहे.

Viral Video : मीठ चवीनुसार नाही तर ‘स्टाईलनुसार’