Indonesia Man Directly Hit by Thunderbolt: कुणाला कधी मरण येईल हे आजपर्यंत कुणीच सांगू शकला नाही. साक्षात मरण पाहिलेल्या एका व्यक्तीचा व्हिडीओ सध्या सोशल मीडियावर प्रचंड व्हायरल होतोय. रस्त्यावरून चालत असताना असताना अचानक या व्यक्तींच्या अंगावर वीज कोसळली. अगदी बॉम्ब फुटावा अशा या व्यक्तींच्या अंगावर आगीच्या ठिणग्या चारही बाजुने उधळल्या. ही घटना रस्त्यावरील सीसीटीव्ही कॅमेऱ्यात कैद झालीय. या घटनेनंतर जे पहायलं मिळाले ते मात्र आश्चर्य करणारं होतं. हा व्हिडीओ पाहून कचादित तुम्हाला तुमच्या डोळ्यावर विश्वास बसणार नाही. पण ही घटना प्रत्यक्षात घडलीय. एकदा हा व्हिडीओ बघाच.
इंडोनेशियाच्या जकार्तामध्ये धक्कादायक घटना घडली आहे. या व्हिडीओमध्ये आपण पाहू शकतो की, रस्त्यावर धुवॉंधार पाऊस कोसळतोय आणि एक व्यक्ती आपल्या हातात एक छत्री पडकत रस्त्यावरून चालत आहे. काही वेळाने काही अंतर पुढे गेल्यानंतर आपल्याबाबतीत एक भयंकर घटना घडणार आहे, याची कल्पना सुद्धा या व्यक्तीने केली नसेल. आपल्याच धुंदीत हा व्यक्ती चालत जातो. वॉकी टॉकीवर बोलत हा व्यक्ती काही अंतर पुढे गेल्यानंतर या व्यक्तीच्या अंगावर वर आकाशातून वीज कोसळते. जणू काही एखादा बॉम्बच फुटला असल्यासारखं चित्र या व्हिडीओमध्ये दिसून येतंय. चारही बाजुने आगीच्या ठिणग्या पसरल्या. वीज पडल्यानंतर हा व्यक्ती जागीच कोसळतो. इतकी भयंकर वीज कोसळल्यानंतर हा व्यक्ती मरण पावली असणार असा विचार मनात येतो. पण या व्हिडीओमध्ये पुढे जे घडतं ते पाहून तुम्हाला कचादित विश्वास बसणार नाही.
इथे पाहा हा व्हायरल व्हिडीओ :
आणखी वाचा : VIRAL VIDEO : बिबट्याने चक्क १० फूट उंच भिंतीवर चढून कुत्र्याला पळवलं…; तुम्हीही हैराण व्हाल!
या व्यक्तीच्या अंगावर वीज कोसळ्यानंतर सुरूवातीला तो काही सेकंद उठण्याचा प्रयत्न करताना दिसून येतोय. पण नंतर जमीनीवर आहे त्याच अवस्थेत निपचित पडतो. हे पाहून आजुबाजुचे सारेच जण त्याच्या मदतीसाठी धावून येतात. हे सारेचजण त्याला उचलून रूग्णालयात नेण्याची धडपड करतात. डेटिक न्यूजने दिलेल्या वृत्तानुसार इतक्या भयंकर दुर्घटनेनंतरही या व्यक्तीचं नशीब बलवत्तर होतं म्हणून त्याचा जीव वाचला आहे. या घटनेत त्याचा हात भाजला असून त्याला जवळच्या रूग्णालयात उपचारासाठी नेण्यात आलं. आता या व्यक्तीवर उपचार करून त्याचा घरी देखील पाठवण्यात आलंय.
@Heritzal नावाच्या ट्विटर अकाऊंटवर हा व्हिडीओ शेअर करण्यात आला आहे. हा व्यक्ती एका कंपनी सुरक्षारक्षक म्हणून काम करत असल्याचं कळतंय. धुवॉंधार पावसात हा व्यक्ती वॉकी टॉकीवर बोलत आणि हातात छत्री पडकत रस्त्यावरून जात होता. यामुळेच कदाचित त्याच्या अंगावर वीज कोसळली असल्याचा अंदाज नेटकरी व्यक्त करत आहेत. या व्यक्तीचं नशीब चांगलं म्हणून जीव जाता जाता राहिला. पण प्रत्येक वेळी नशीब साथ देईलच असं नाही. त्यामुळे पावसात अशी घटना आपल्यासोबत घडू नये यासाठी योग्य काळजी घेण्याचं आवाहन देखील काही युजर्सनी केलं आहे.
