अंकिता देशकर
ISRO Chief S.Somnath Viral Video Dancing: चंद्राच्या दक्षिण ध्रुव प्रदेशात उतरणारा पहिला देश म्हणून भारताने आपल्या चंद्र मोहिमेसह इतिहास रचल्यानंतर, सोशल मीडिया प्लॅटफॉर्मवर एक व्हिडिओ मोठ्या प्रमाणावर व्हायरल झाला. व्हिडिओमध्ये इस्रोचे प्रमुख डॉ. एस सोमनाथ पार्टी करताना आणि नाचताना दिसत आहेत. इस्रोच्या शास्त्रज्ञांनी चांद्रयान ३ च्या यशस्वी लँडिंगचा आनंदोत्सव साजरा करताना हा व्हिडिओ लँडिंगनंतरचा असल्याचा दावा केला जात होता.
काय होत आहे व्हायरल?
ट्विटर यूजर Manish Bothra ने व्हायरल व्हिडिओ शेअर केला.
इतर वापरकर्ते देखील असाच दावा करत व्हिडिओ शेअर करत आहेत.
तपास:
आम्ही ट्विटर वर कीवर्ड शोध चालवून आमची तपासणी सुरू केली. आम्ही ‘Dr S Somanath celebrates’ हे किवर्डस शोधले आणि एक आम्हाला एक ट्विट सापडला.
ट्विटर यूजर कुमार भानू यांनी आपल्या ट्विटमध्ये हा व्हिडिओ जुना आणि आधीच्या घटनेचा असल्याचे नमूद केले आहे. याचाच वापर करून आम्हाला ट्विटर युजर सिद्धार्थ.एम.पी यांचे आणखी एक ट्विट सापडले, जे पत्रकार आणि वायोन न्यूजचे वरिष्ठ वार्ताहर आहेत.
त्यांनी स्वतः तो व्हिडिओ पोस्ट केला होता, परंतु थ्रेडमध्ये, सिद्धार्थ यांनी नमूद केले की हा व्हिडिओ जुना आहे. ते स्वतः त्या कार्यक्रमात उपस्थित होते व तेव्हा त्यांनीच हा व्हिडीओ शूट केला होता.
कमेंट सेक्शनमध्ये सिद्धार्थ यांनी हे ही स्पष्ट केले आहे की हा व्हिडिओ जुलै २०२३ च्या पहिल्या आठवड्यातील आहे.
निष्कर्ष: इस्रोचे प्रमुख डॉ. एस. सोमनाथ यांचा नाचत आणि पार्टी करतानाचा व्हायरल व्हिडिओ चांद्रयान ३ च्या लँडिंगपूर्वी जुलै महिन्यात चित्रित करण्यात आला आहे. व्हायरल केलेले दावे खोटे आहेत.
