'अरे हा January महिना संपता संपत नाहीये'... तुम्हालाही असे वाटते आहे का? जाणून घ्या काय असू शकते कारण? | january feels like a never ending month of 2024 says netizens do you feel the same then check out the reason

सोशल मीडियावर नवीन वर्षातील पहिला महिना अत्यंत धीम्या गतीने जात असल्याची चर्चा असून, त्यावरून अनेक मीम्स, मजेशीर फोटो व्हायरल होत आहेत. काय असू शकते याचे कारण पाहा.

Is it still January netizens shearing memes and photos

नवीन वर्षातील जानेवारी महिना संपतच नाहीये असे तुम्हालाही वाटते आहे का? [Photo credit- Freepik]

‘This January is Januaring like no January ever Januaried’ हे वाक्य सध्या तुम्हाला सोशल मीडियावर अनेक फोटो किंवा विनोदी व्हिडीओ, मीम्समधून पाहायला मिळत असेल. कारण- नवीन वर्ष सुरू होऊन २६ दिवस लोटले असले तरीही तो काळ जवळपास प्रत्येकालाच खूप मोठा वाटत आहे. नवीन वर्षाचा पहिलाच महिना इतका रटाळ आणि कंटाळवाणा वाटत असल्याने सोशल मीडियावर त्याबद्दल तुफान चर्चा होत आहे.

आता ३१ दिवस हे केवळ जानेवारीमध्ये नसून इतरही काही महिन्यांमध्ये असतात. असे असले तरीही हा महिना मात्र अगदी कासवाच्या गतीने पुढे सरकतो आहे. येणारा प्रत्येक दिवस सुरू तर होत आहे; मात्र संपायचे नाव घेत नाही, अशी भावना अनेकांच्या मनात असल्याचे सोशल मीडियावर शेअर होणाऱ्या विविध पोस्टमधून समजते आहे. नेटकऱ्यांनी वेगवेगळे विनोदी फोटो शेअर करून, त्यावर “नवीन वर्षाचे तीन महिने संपले, तरीही आपण अजून जानेवारीमध्ये अडकलो आहेत!” “अजूनही ९ दिवस उरलेत हा महिना संपायला? कसं शक्य आहे हे?” “This January is Januaring like no January ever Januaried” अशा पद्धतीचे कॅप्शन लिहिलेले आपण पाहायला मिळतेय.

हेही वाचा : Fact check : मुंबई येथील मीरारोडचा व्हायरल होणारा ‘तो’ व्हिडीओ खरा की खोटा? काय आहे सत्य जाणून घ्या

नेटकऱ्यांनी सोशल मिडियावर शेअर केलेल्या काही पोस्ट पाहा :

How is there still 9 days of January left pic.twitter.com/rhhTTr0Xb4
— Aidan (@aidanthereup) January 22, 2024

It's been 3 months, why we still have a month n a half of January to go??? pic.twitter.com/yE5OAU1Aym
— Derron ?? (@Derron_McNelly) January 22, 2024

This is how January is going pic.twitter.com/DaLzBqecVS
— Abhishek (@MSDianAbhiii) January 25, 2024

नेमका जानेवारी २०२४ हा महिना इतका मोठा का वाटत आहे? कुणीतरी स्पेस-टाइमसोबत छेडछाड केली आहे का? आपल्याबरोबर मस्करी करण्यासाठी पृथ्वीने तिच्या परिभ्रमणात बदल तर नाही ना केला? असे विविध चित्र-विचित्र प्रश्न अनेकांच्या मनात उभे राहिले आहेत. मात्र, याबद्दलचे थोडक्यात स्पष्टीकरण किंवा अंदाज एका झेंगुआंग कै नामक पीएच.डी.च्या विद्यार्थ्याने सांगितला असल्याची माहिती न्यूज १८ डॉट कॉमच्या एका लेखावरून मिळाली आहे.

त्या लेखानुसार “डिसेंबर महिन्यात नाताळची सुट्टी असते. आता इतक्या मोठ्या सुटीनंतर पुन्हा कामाला सुरुवात करायची म्हटल्यावर अनेकांना आपसूकच कंटाळा किंवा आळस येतो. परिणामी जानेवारी हा मोठा आणि रेंगाळत चालणारा महिना वाटण्याची शक्यता असते,” अशी माहिती झेंगुआंग कै [Zhenguang Cai] या ULC मध्ये वेळेच्या आकलनाचा [specializing in time perception] अभ्यास करणाऱ्या एका पीएच.डी. विद्यार्थ्याने दिली आहे, असे समजते.

हेही वाचा : खाली खोल दरी अन् दोरीच्या मदतीने गड चढतोय चिमुकला! पाहा, अंगावर काटा आणणारा धाडसी Video

काही प्रदेशांमध्ये जानेवारी महिन्यात हवा अत्यंत थंडी, कोरडी आणि कमी सूर्यप्रकाश देणारी असते. असे वातावरण सहज एखाद्याला कंटाळवाणे वाटू शकते. त्यालाच सीझनल इफेक्टिव्ह डिसऑर्डर [Seasonal affective disorder (SAD)], असेही म्हटले जाते, अशी माहिती न्यूज १८ डॉट कॉमच्या एका लेखावरून मिळाली. या प्रकारात व्यक्तीच्या मूड, भावनांवर हवामानाचा परिणाम होत असतो, असे म्हणतात.

अशा स्वरूपाचे विविध तर्क जानेवारी इतका मोठा महिना का वाटतो आहे याबद्दल लावले जाऊ शकतात, असे समजते.

First published on: 26-01-2024 at 13:42 IST

Web Title: January feels like a never ending month of 2024 says netizens do you feel the same then check out the reason dha

‘अरे हा January महिना संपता संपत नाहीये’… तुम्हालाही असे वाटते आहे का? जाणून घ्या काय असू शकते कारण?