मुलांना गाडीत एकटे सोडून शॉपींग किंवा अन्य कामांसाठी जाणारे पालक अनेकदा दिसतात. मात्र, अनेकदा गाडीमध्ये मुलांना सोडून जाण्याचं धाडस कधी कधी पालकांच्या अंगाशी येतं. अनेकदा तर मुलांचा गाडीतच मृत्यू झाल्याच्या घटना घडल्या आहेत. तरी सुद्धा पालक यातून कोणताच धडा घेत नाहीत. सध्या अशीच एक धक्कादायक घटना घडलीय. याचा व्हिडीओ सोशल मीडियावर प्रचंड व्हायरल होतोय.
झारखंडमधील बोकारो इथे ही मोठी दुर्घटना घडली. झारखंडमधल्या तेनुघाट धरणाच्या वरच्या रस्त्यावर उभ्या असलेल्या स्कॉर्पिओला अचानक आग लागली. या घटनेत कार पूर्णपणे जळून खाक झाली आहे. कारला आग लागली, तेव्हा त्यात काही मुले बसली होती, असं सांगण्यात येत आहे. आग लागल्यानंतर तिथे उपस्थित असलेल्या लोकांनी कसंबसं गाडीत बसलेल्या या मुलांना वाचवलं.
आणखी वाचा : विना तिकीट प्रवास करणाऱ्याला पोलीस कर्मचाऱ्याने चालत्या ट्रेनमध्ये लाथ मारली, क्रूरतेचा VIDEO VIRAL
मिळालेल्या माहितीनुसार, गिरिडीह जिल्ह्यातील धनवरच्या करगली खुर्द इथले रहिवासी मोहम्मद सिराज हे आपल्या कुटुंबासह सहलीसाठी तेनुघाट धरणावर आले होते. यादरम्यान त्यांच्या काळ्या रंगाच्या स्कॉर्पिओ कारने अचानक पेट घेतला. गाडीला आग लागल्याचे पाहून आजूबाजूच्या लोकांनी गोंधळ घातला आणि तेनुघाट ओपीचे प्रभारी प्रशांत कुमार सिंह यांना माहिती दिली.
आणखी वाचा : VIRAL VIDEO : बुरखा घालून मुलगा बाकावर बसला, शेजारी बसलेल्या मुलीसोबत त्याने जे केलं ते पाहून हादरून जाल!
आगीच्या या घटनेनंतर अग्निशमन दलाने येऊन आग आटोक्यात आणली, मात्र तोपर्यंत वाहन जळून खाक झाले होते. या घटनेत कोणतीही जीवितहानी झाली नसल्याचे तेनुघाट ओपीचे प्रभारी अधिकारी यांनी सांगितले. गाडीला आग कशामुळे लागली हे कळू शकले नाही.